Queen (на македонски: 'Квин') е една од најпознатите британски рок-групи, по потекло од Лондон.
Од настанувањето во 1970 година, бендот функционираше во составот Фреди Меркјури - вокал и пијано, Брајан Меј - гитара, Џон Дикон - бас гитара и Роџер Тејлор - тапани, сѐ до смртта на Меркјури како последица од сида во ноември 1991 година.
Queen | |
---|---|
Животописни податоци | |
Потекло | Лондон, Англија |
Жанрови | Глам рок, хард рок |
Период на активност | 1970–1997 |
Издавачи | Parlophone, Hollywood |
Соработници | Queen + Paul Rodgers, Smile, The Cross |
Мреж. место | queenonline.com |
Поранешни членови | |
Фреди Меркјури Брајан Меј Џон Дикон Роџер Тејлор |
Во својата успешна кариера, Queen стана еден од најпочитуваните бендови на сите времиња со стотици милиони обожаватели низ светот, а неговата музика сѐ уште влијание на модерната рок-музика. Меѓу нивните најпознати хитови се „Bohemian Rhapsody“, „I Want To Break Free“, „We Will Rock You“, „We Are The Champions“ итн. По смртта на Фреди Меркјури во 1991, во организација на Queen се одржа познатиот концерт во чест на Фреди Меркјури во 1992, на кој најголемите музички ѕвезди од светот му оддадоа почит на легендарниот пејач и ги испеаја неговите, но и нивните авторски песни.
Во 1995, останатите три членови на Queen, користејќи ги демо-снимките на Меркјури, го создадоа албумот Made In Heaven посветен на пејачот. Во 1997, бендот ја сними нивната последна песна како Queen, „No-One but You (Only the Good Die Young)“, посветена на принцезата Дајана, но и на нивниот вокалист, колега и пријател, Фреди Меркјури. По овој хит, басистот Џон Дикон го напушти бендот не сакајќи да продолжи без неговиот идол, по што Брајан Меј и Роџер Тејлор продолжија да снимаат со нивниот пријател Пол Роџерс како Queen + Paul Rodgers.
„Queen“ на Ризницата ? |
This article uses material from the Wikipedia Македонски article Queen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.