Personagg Mario
El Mario (ciamaa despess impropriament Super Mario) a l'è 'n personagg de la Nintendo, protagonista de l'omonema serie di videogioeugh, ideaa in del 1981 del Shigeru Miyamoto e ciamaa in origin Jumpman.
 | «Mamma mia!» |
(Tipega citazion del Mario) |
.jpg)
Personagg sìmbol de la Nintendo, a l'è 'n trombee italian e 'l gh'ha on fredell, el Luigi e 'na morosa, la Peach, ch'el voeur di persega in lombard. De solit a l'è vestìi cont ona majina rossa, ona salopette bloeua, on para de guant bianch e 'n cappell ross cont ona "M". El sò desenemis principal a l'è el Bowser, menter el pussee storigh a l'è el Donkey Kong.
L'è staa miss per la prima voeulta in del 1981 in del videogioeugh arcàde Donkey Kong e 'l ciappa el sò nomm in del 1983, in del gioeugh Super Mario Bros. per el Famicom. In Giappon a l'éra in origin ciamaa "Mr. Video" ma in la localizzazion americana a l'è ciamaa Mario 'me tributt al Mario Segale, proprietari del stabiliment de la Nintendo in America, 'me rengraziament.
Hinn sortii vari gioeugh cont el Mario protagonista: I pussee famos a hinn quej platform e quej de la serie Mario Kart ma gh'hinn anca di s'ceppacoo compagn de Dr. Mario, GDR compagn de Paper Mario, gioeugh de società compagn de la serie de Mario Party, gioeugh de sport compagn de Mario Power Tennis e de Mario Smash Football o di menadur compagn de Super Smash Bros.. De sòlit 'sti gioeugh gh'hann na 'trama semplis, ma gh'hinn di eccezion compagn de Super Mario Galaxy. Mario l'è anca comparii cont di àlter personagg compagn del Sonic, in di epoch a 8 e 16 bit sò principàl rivàl, in di gioeugh de la serie Mario e Sonic ai Gioeugh Olimpich.
El gh'è anca el personagg de Baby Mario, on Mario fiolin, ch'el compariss per la prima voeulta in Yoshi's Island del 1995 ch'el ciappa importanza soratutt in del gioeugh per el Nintendo DS Mario & Luigi: Fredej in del Temp e 'l compariss despess anca in Mario Kart.
Riferiment
Vos corelaa
- Luigi (personagg)
- Wario (personagg)
- Regn di Fonsg
- Lista di videogioeugh cont el Mario
- Trasformazion del Mario
- Desenemis del Mario
This article uses material from the Wikipedia Lumbaart article Mario (personagg), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.