Инженер
Инженер — инженерлік іспен айналысатын, ғылыми білімін, математиканы және өнертапқыштығын қолданып, техникалық, қоғамдық және коммерциялық проблемалардың шешімін табумен айналысатын маман.
 | Бұл — мақаланың бастамасы. Бұл мақаланы толықтырып, дамыту арқылы, Уикипедияға көмектесе аласыз. Бұл ескертуді дәлдеп ауыстыру қажет. |
Инженерлер материалдарды (заттар), құрылымдарды және жүйелерді олардың тиімділігі, заңға сәйкестігі, қауіпсіздік мәселесі және бағасы себепті туындайтын шектеулерді ескере отырып жобалайды. Инженер сөзі латынның ingeniare ("ойлап шығару, өнертапқыштық") және ingenium ("ақыл, дарын") сөздерінен алынған.
Инженердің жұмысы — ғылыми жаңалықтар және олардың адамзат қажеттілігі мен өмір сапасын жақсартуда қолданылуы арасындағы байланысты қалыптастыру.
Инженерлердің түрлері
Инжинирингтің көптеген тармақтары бар, әрқайсысы арнайы технологиялар мен өнімдерге маманданған. Әдетте инженерлердің бір салада терең білімі болады да, өзге де қатысты салаларда жалпылама білімі болады. Мысалы, инженер-механик (машина жасау) мамандығының оқу курсына әдетте электротехникалық және бағдарламалау (программалау) инженерияның кіріспе сабақтары қосылады.
Белгілі бір өнімді жасау кезінде инженерлер әдетте өзара команда болып бірге жұмыс жасайды. Мысалы, құлтемір құрастыру кезінде инженерлер командасы ең кемінде үш түрлі инженердің көмегіне жүгінеді. Инженер-механик денесі мен қозғалтқыштарының жобасын жасайды. Инженер-электрик болса, қуат жүйесін, сенсорлар мен бақылау электр схемаларын қадағалайды. Ең соңында, бағдарламалаушы инженер роботтың дұрыс жұмыс жасауын қамтамасыз ететін бағдарламалық жасақтаманы дамытады.
| Тармақ | Технологиясы | Қатысты ғылымдар | Өнімдері |
|---|---|---|---|
| Химия инженериясы | Химикаттар жасап шығару мен химиялық өндіріс процестеріне маманданған. | Химия, Термодинамика, Биология, Медицина | Химикаттар, Мұнай, Дәрілер, Шикі материалдар |
| Құрылыс инженериясы | Алпауыт жүйелер мен құрылымдардың құрастыруға маманданған. | Статика, Гидромеханика | Автомобиль жолы, Көпір, Бөгет, Ғимараттар |
| Электр инженериясы | Электр жүйелері мен электр схемаларын жобалауға маманданған. | Электромагнетизм, Логика | Компьютер, Электроника |
| Механикалық инженерия | Машиналар мен бақылау жүйелерін жасап шығаруға маманданған. | Динамика, Гидромеханика | Автомобильдер, Ұшақтар |
| Металлургиялық инженерия/Материалтану | Металдарды кен орындарынан шығарып алуға және жаңа материалдар дамытуға маманданған. | Материалтану, Термодинамика, Металдарды шығару, Физикалық металлургия, Механикалық металлургия, Ядролық материалдар, Болат технологиясы | Темір, Болат, Полимерлер, Қыш-құмыра өндірісі, Металдар |
| Компьютерлік инженерия/Бағдарламалық инженерия | Бағдарламалық жүйелерді шығаруға маманданған | Информатика, Математика | Қолданбалар, Сайттар, Операциялық жүйелер |
Дереккөздер
This article uses material from the Wikipedia Қазақша article Инженер, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Мәлімет CC BY-SA 4.0 лицензиясы аясында қолжетімді (басқа шарттар көрсетілмеген жағдайда). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Қазақша (DUHOCTRUNGQUOC.VN) is an independent company and has no affiliation with Wiki Foundation.