एलन मस्क

एलन रीव मस्क (अंग्रेज़ी: Elon Reeve Musk; जनम २८ जून १९७१) एक्ठु दक्खिन अफ्रीकी-कनाडाई-अमेरिकी दिग्गज व्यापारी, निवेशक, इंजीनियर, औ आविष्कारक रहें। एलन स्पेसएक्स कै संस्थापक, सीईओ औ प्रधान डिजाइनर; टेस्ला कंपनी कै सह-संस्थापक, सीईओ औ उत्पाद कै वास्तुकार; ओपनएआई कै सह-अध्यक्ष; न्यूरालिंक कै संस्थापक औ सीईओ औ द बोरिंग कंपनी कै संस्थापक होँय। एकरे अलावा वन सोलरसिटी कै सह-संस्थापक औ पूर्व अध्यक्ष, ज़िप2 कै सह-संस्थापक औ एक्स.कॉम कै संस्थापक होँय, जवन बाद मा कॉन्फ़िनिटी कै साथे विलय होइ गवा औ ओका नँवा नाँव पेपैल मिला। दिसंबर २०१६ मा, एलन कै फ़ोर्ब्स पत्रिका कै दुनिया कै सबसे शक्तिशाली मनइन कै सूची में २१वाँ जगह मिला। जनवरी २०१८ तक, एलन कै कुल जायदाद २०.९ अरब अमेरिकी डॉलर है, औ फोर्ब्स कै दुनिया कै ५३वा सबसे धनी मनइ कै रूप मा दर्ज कइ गवा है। एलन कहें है कि सोलरसिटी, टेस्ला औ स्पेसएक्स कै लक्ष्य, विश्व औ मानवता कै बदलै खर्तिन ओनकै दृष्टिकोण कै चारों ओर घूमत है। ओनकै लक्ष्यन् मा सस्टेनेबल इनर्जी निकारब औ ओकर उपयोग कै माध्यम से ग्लोबल वार्मिंग कै कम करब औ मंगल ग्रह पै मनइ बस्ती कै बसाइकै मनइ कै विलुप्त होएक खतरा कै कम करब सामिल है। अपने एकरे अलावा , एक्ठु ढेर गति परिवहन प्रणाली कै कल्पना कीहिन जवने कै हाईपरलुप कै रूप मा जाना जात है ।