Pexe: Animal vertebráu xeneralmente de forma allargada, que vive ente l'agua y tien d'estremidaes aletes pa nalar
Denómase pexes a toos aquellos animales vertebraos que nun son miembros del grupu de los tetrápodos (los vertebraos terrestres con cuatro pates de mena quiridio).
La especialidá de la zooloxía que s'ocupa específicamente de los pexes denómase Ictioloxía.
Pexe  | ||
|---|---|---|
| Rangu temporal: Cambrianu-Presente (en bones condiciones dende l'Ordovícicu) | ||
 | ||
| Clasificación científica | ||
| Dominiu: | Eukaryota | |
| Reinu: | Animalia | |
| Filu: | Chordata | |
| Subfilu: | Vertebrata | |
| Superclas: | Pisces | |
| Clases | ||
| ||
| Consultes | ||
| [editar datos en Wikidata] | ||
Como ye propio de los primeros vertebraos, son acuáticos y, a desemeyanza de lo qu'adicamos nos tetrápodos, la respiración produzse principalmente por branquies allugaes nes fendedures de la farinxe. La llocomoción sofítase nuna forma hidrodinámica, con movimientos llaterales del cuerpu auxiliaos por estremidades que son aletes. El grupu ye abondo heteroxéneu ya inclúi a formes tan desemeyaes como les llamprees, los tiburones o les albacores, totalizando alrodiu de 30.000 especies, siendo'l grupu más numberoso de los vertebraos.
Evolución
Los pexes orixináronse a partir d'otros cordados haza l'entamu del Cambrianu. Nun se sabe a ciencia cierta au s'alluga'l so orisen; el grupu más primitivu de los pexes, los agnatos —que nun tienen calláxines— compriende a les llamprees y a los mixines, (magar que nun ta nidio si estos caberos tienen de considerase vertebraos).
Los vertebraos terrestres (tetrápodos) diferenciáronse a partir de pexes polmonaos empareyaos col celacantu o los dipnoos, y dalgunes de les primeres formes tan a metá de camín ente'l nuesu conceutu de pexe y el d'anfibiu.
| Vertebrata |
| |||||||||||||||||||||||||||||||||||||||||||||
Dalgunos nomes de pexes
| Clas. Cientf | Nome | Imaxe |
|---|---|---|
| Thunnus thynnus | albacor, zurdu | |
| Sarda sarda | Albacora, bonitu | .gif) |
| Xén. Gadus | Abadexu, ferrete | .jpg) |
| Engraulis encrasicholus | hombrín, homín | |
| Scomber scombrus | Xarda |  |
| Sardina pilchardus | Parrocha |  |
| Diplodus sargus Sparus sargus (sinónimu) | Xargu, xáragu | |
| Pagellus mormyrus Sparus mormyrus (sinónimu) | Chopa | |
| Conger conger | Cóngaru |  |
| Dicentrarchus labrax | roballiza, Llubina, furagaña |  |
| Scorpaena scrofa | tiñosu, obispu |  |
| Lophius piscatorius | Pixín |  |
| Epinephelinae | Meru |  |
| Xéneru Raja Raja batis | Rayón Sabliega |  |
| Psetta maxima | Rodaballu |  |
| Beryx splendens | Perréi | .gif) |
| Beryx decadactylus | Bilréi | |
| Mullus bardatus / surmuletus (fangu / roca) | barbu / saramollete (fangu / roca) |  |
| Pagellus erythrinus | Breca | |
| Pagellus centrodontus | pancha, pancheta pancholeta, Besugu picurria | |
| Pagellus centrodintus | cazalla | |
| Pagellus acarne | faligote |
Referencies
Enllaces esternos
Wiki Commons tien conteníu multimedia tocante a pexe.
| Wikispecies tien un artículu sobre Pexe. |
This article uses material from the Wikipedia Asturianu article Pexe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El conteníu ta disponible baxo los términos de la CC BY-SA 4.0 si nun s'indica otra cosa. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Asturianu (DUHOCTRUNGQUOC.VN) is an independent company and has no affiliation with Wiki Foundation.