لقرن 20: قرن

لقرن لعشرين عرف بزاف لأحدات لموهيمة بحال لحرب لعالمية لّولة، لحرب لعالمية تّانية، لإنفلوانزا سپنيولية، لحرب لباردة، طّلعة ؤ طّيحة ديال تّحاد سّوڤياتي، ؤ تطور طيكنولوجي كبير عطانا تّورة صناعية تّالتة، ؤ بزاف د لأحدات خرين. ف لقرن لعشرين لمغريب طاح تحت لستيعمار ديال فرانسا ؤ سپانيا، ؤ خرج منو من بعد، ؤ دازو علا سّلطة ديالو 7 د لملوك ؤ بزاف د لحكومات.

من بين الطيمات لأساسية ديال لقرن 20، كاين تحياد لإستعمار، لقومية، لعولامة، و لبون ديال شكال جديدة ديال مونضامات دولية بحال لأمم لمتحدة. لفقر نقص، و لمستويات د لمعيشة طلعو، ف لوقت لي زاد لوعي عند بنادم ب لمشاكل د لبيئة، و لإنقراض ديال النواع لبيولوجية. الطونوبيلات، الطياير، و لأپارايات د الدار و لكوزينة ولّاو منتاشرين بزاف، و التسجيل د لڤيديو و لؤديو ولّا شي حاجة عادية. التطورات لكبيرة ف توليد التريسينتي و ف الطيليكوم خلقو لإمكانية ديال تواصل علاين لحضي ف لعالم كاملو تقريباً، و أدّاو ل التطور ديال لأنتيرنيت. التمجهيد ديال الطيكنولوجيا الطبية قضى على بزاف د لأمراض لي كاتعادي، و حل لبيبان ديال التعديل الجيني.