רבי שלמה האלבערשטאם (א' כסלו ה'תרסח - א' מנחם אב ה'תשס), דער דריטער באבובער רב.
געבורט | 7 נאוועמבער 1907 באבאוו, פוילן | |
---|---|---|
טויט | 2 אויגוסט 2000 (אלט 92) ניו יארק, פאראייניקטע שטאטן פון אמעריקע | |
מדינה | דייטשלאנד | |
קבורה ארט | ניו זשערסי | |
פאך | רב | |
אַמט | אדמו"ר | |
רבי שלמה איז געבוירן אין באבאוו א' כסלו ה'תרס"ח צו זיין פאטער הרב בן-ציון האלבערשטאם, רב אין באבאוו, א זון פון הרב שלמה האלבערשטאם, רב אין באבוב, א זון פון רבי מאיר נתן האלבערשטאם, א זון פון הרב חיים האלבערשטאם, דער דברי חיים. און צו זיין מוטער מרת חיה פראדיל א טאכטער פון הרב שלום אליעזר האלבערשטאם, א זון פון הרב חיים האלבערשטאם, דער דברי חיים.
אין תרצ"א האט זיין פאטער זיך געצויגן קיין טשעבין, און איבערגעלאזט ר' שלמה אלס "יונגער רב" אין באבאוו.
אלס יונגערמאן אין באבאוו האט ער געפירט די נעצווערק פון 40 באבאווער ישיבות אין גאליציע.
אין תרצ"ט ווען די נאציס זענען אריין אין גאליציע איז די משפחה אנטלאפן און געוואנדערט ביז לעמבערג. רוב פון דער משפחה איז אומגעקומען דארט, אבער ר' שלמה, מיט איין זון נפתלי צבי, האבן זיך געראטעוועט און געוואנדערט ווייטער. ש"ק פרשת בהעלתך זענען זיי געווען אין ניימארק און די געשטאפא האט זיי געכאפט פרובירנדיק זיך אריבערכאפן איבערן גרענעץ אין סלאוואקיי. מיט נסים זענען זיי באפרייט געווארן. ענדלעך זענען זיי געקומען קיין בוקארעסט, רומעניע, וואו זיי האבן זיך באהאלטן ביז נאך דער מלחמה.
ער איז אנגעקומען קיין אמעריקע נאך דער צווייטער וועלט מלחמה, וואו ער האט ווידעראמאל אויפגעשטעלט דאס באבאווער חסידות אינעם קרוין הייטס געגנט פון ברוקלין, ניו יארק. שפעטער האט ער זיך געצויגן קיין בארא פארק, וואו דאס חסידות איז היינט הויפטקווארטירט.
רבי שלמה איז נפטר געווארן א' מנחם אב ה'תש"ס. ער ליגט אין פלאראל פארק בית עלמין, ניו דזשערסי און מען האט געשטעלט דארט אן אהל אויף זיין קבר.
אין יאר ה'תרפ"ה האט רבי שלמה געהייראט בזיווג ראשון מרת בלומא רחל, א טאכטער פון זיין פעטער הרב חיים יעקב טייטלבוים, רב אין לימאנאוו. זי איז אומגעקומען אויף קידוש השם מיט אירע קינדער, געבליבן איז איין זון:
נאך דער צווייטער וועלט־קריג האט רבי שלמה געהייראט בזיווג שני מרת פריידא, א טאכטער פון הרב אריה לייביש רובין פון ציעשינאוו. זייערע קינדער:
פריערדיקער: הרב בן-ציון האלבערשטאם זצ"ל | באבאווער רבי תש"ז-תש"ס | קומענדיקער: הרב נפתלי צבי האלבערשטאם |
דער רבי לויפט... (ארכיווירט 10.03.2007 ביי דער Wayback Machine)
This article uses material from the Wikipedia ייִדיש article שלמה האלבערשטאם (ב), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.