73°51′W / 45.583°N 73.850°W / 45.583; -73.850
קרית טאהש איז א חסידישע געמיינדע וואס געפינט זיך אין שויס פון בויסבריאנד, א דערפל אין קוויבעק, קאנאדע. קרית טאהש איז די הויפטקווארטיר פונעם טאהשער הויף וואס שטאמט אָריגינעל פון דעם שטעטל טאש, אונגארן. די געמיינדע ציילט אפ צירקע פינף הונדערט משפחות (3,000 באוואוינער אין געזאמט).
דער פריערדיגער טאהשער רבי הרה"ק רבי משולם פייש לאווי זצ"ל האט געגרינדעט דאס שטעטל אין יאר תשכ"ג (1963), און האט אויפגעשטעלט די טאהשער חסידות פונדאסניי נאכן חורבן אייראפע. ער האט פארשיינט און באלייכט דאס שטעטל מיט זיין אנוועזנהייט. עס האבן זיך געיאוועט אהין טויזנטער אידן מארבע כנפות הארץ טאג טעגליך, מקבל צו זיין ברכתו הק' און צו זעהן דעם פנים פון אזא אויסגעארבעטער איד.
די באוואוינער פון קרית טאהש פירן פולשטענדיג א פארצייטישן לעבנסשטייגער כמעט אזוי ווי אין דעם אלטן היים אין אונגארן.
צווישן די בילדונג-אנשטאלטן קען מען אויסרעכענען די ישיבה גדולה און בית המדרש הגדול "ד'קהל אור החיים ד'טאהש", די תלמוד תורה "בית יודא", די מיידל שולע און חתונה זאל "בית צירל", נעץ פון כוללים און נאך. די געמיינדע פארמאגט אויך איר אייגענע הצלה דינסט פאר נויטפעלער, שומרים ארגאניזאציע וואס ארבעט אין געמיינשאפט מיט די באהערדן צו פארמיידן בעיקר איבערפאלן און געוואלט פון גויאישע פארשוינען קעגן אידישע באוואוינער, חברים א.ד.ג.
This article uses material from the Wikipedia ייִדיש article קרית טאהש, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.