קארפאטן בערג: בערגקייט אין אייראפע
47°0′N 25°30′E / 47.000°N 25.500°E / 47.000; 25.500
די קאַרפאַטן בערג אדער קאַרפאַטן (פויליש, טשעכיש און סלאוואקיש: Karpaty) זענען א בארגקייט וואס שאפן א בויגן לאנג בערך 1,500 ק"מ איבער צענטראל און מזרח אייראפע; זיי זענען די צווייטע לענגסטע בארגקייט אין אייראפע, נאך די סקאנדינאווישע בערג, לאנג 1,700 ק"מ. זיי באזארגן דעם וואוין פאר די גרעסטע אייאפעישע באפעלקערונג פון ברוינע בער, וועלף, זאמש און ווילדע קעץ, מיט די גרעסטע קאנצענטראציעס אין רומעניע, ווי אויך א דריטל פון אל פלאנצן זגאלן אין אייראפע. אויך געפינען זין אין די קארפאטן און זייערע פארבערג א סך מינעראל-וואסערן. די דרום קארפאטן זענען דער גרעסטער באוועלדערטער שטח אין אייראפע.
די קארפאטן ציען זיך אין א בויגן פון טשעכיי (3%) אין דרום־מערב, אריבער סלאוואקיי (17%), פוילן (10%), אונגארן (4%) און אוקראינע (11%) ביז רומעניע (53%) אין מזרח און ווייטער צו די אייזערנע טויערן אויפן דוניי צווישן רומעניע און סערביע (2%) אין דרום. די העכסטע קייט אינערהאלב די קארפאטן איז די טאטרא, אויפן גרענעץ צווישן פוילן און סלאוואקיי, וואו די העכסטן שפיצן שטייגן איבער 2,600 מעטער.
די וויכטיקסטע שטעט אין אדער נאנט צו די קארפאטן זענען: פרעשבורג און קאשוי אין סלאוואקיי; קראקע אין פוילן; קלויזנבורג, הערמאנשטאט און בראשאוו אין רומעניע; און מישקאלץ אין אונגארן.
געאגראפיע
שטעט און שטעטלעך
שפיצן
בארג-דורכגאנגען
אינעם ראמענישן טייל פון דער הויפט קייט פון די קארפאטן, זענען די חשוב׳סטע בארג-דורכגאנגען (אנהייבן פונעם אוקראינישן גרענעץ ): דער פריסלאפ דורכגאנג, ראדנע דורכגאנג, בארגא דורכגאנג, טולדזשעזש דורכגאנג, ביקאז קאניאן, פרעדעאל דורכגאנג, וואולקאן דורכגאנג און די אייזערנער טויערן.
וועבלינקען
This article uses material from the Wikipedia ייִדיש article קארפאטן בערג, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.