סטראזשניץ איז א שטאָט אין בוקאווינא (היינט אוקראינע) וואו רבי ישכר בער ראזנבוים האט אויפגעשטעלט זיין הויף.
דאס חסידות איז א צווייג פון נאדווארנא.
רבי ישכר בער איז געבוירן געווארן כ"ב אלול תרס"ד (1904) אין טשערנאוויץ צו זיין פאטער רבי איתמר ראזנבוים דער אדמו"ר פון נאדווארנא. ער איז געווארן אן איידעם ביי זיין עלטער פעטער רבי ישכר בער פון סאטמאר, (א זון פון רבי מרדכי לייפער פון נאדווארנע). אין תרפ"ה האט ער זיך געצויגן קיין סטראזשניץ אין בוקאווינא (דעמאלסט אין רומעניע, היינט אין אוקראינע), וואו ער האט אנגעפאנגען פירן א רביסטעווע. נאך דער צווייטער וועלט מלחמה האט ער אימיגרירט צו די פאראייניקטע שטאטן פון אמעריקע, דארט איז ער געווען באוואוסט ווי דער סטראזשניצער רבי. ער איז נפטר געווארן כ"ח טבת ה'תשמ"א.
די זין פון רבי ישכר בער האבן געפירט רביסטעוועס שוין ביי זיין לעבן.
This article uses material from the Wikipedia ייִדיש article סטראזשניץ (הויף), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.