סאנקט פעלטן: שטאט אין עסטרייך, הויפטשטאט פון נידער־עסטרייך
סאנקט פעלטן (דייטשיש: Sankt Pölten) איז די גרעסטע שטאט און די הויפטשטאט פון דעם לאנד נידער-עסטרייך, אין עסטרייך.
| ||||||||||||||||||||
די שטאט ליגט אויפן ברעג פונעם "טרייזן טייך" (דייטשיש: Treisen Teich), אין דעם "וואכאו טאל", און ווערט אריינגערעכנט אין דער ליסטע פון די עלטסטע שטעט אין דעם לאנד. די באפעלקערונג פון דער שטאט ציילט אפ 54,213 איינוואוינערס (יאנואר 2017).
געאגראפיע
די שטאט געפינט זיך אויפן ברעג פונעם טרייזען טייך און אין די צפונ'דיגע עקן פון די אלפן בערג. סאנקט פעלטן איז א טייל פונעם "מוסטפירטל" דיסטריקט, וועלכער איז דער דרום-מערב'דיגער דיסטריקט און איינער פון די פיר דיסטריקטן פון נידער-עסטרייך. די מערב'דיגע עסטרייכישע באן פון ÖBB (די הויפט נאציאנאלע באן-קאמפאניע פון עסטרייך) פארט דורך דער שטאט.
היסטאריע
דער עלטסטער טייל פון דער שטאט איז געבויט געווארן אויף דעם זעלבן פלאץ וואו עס האט זיך געפינען יארן פאר דעם די אור-אלטע רוימישע שטאט "אעליום סעטיום" (לאטייניש: Aelium Cetium) וועלכע האט עקזיסטירט צווישן דעם 2טן יארהונדערט און דעם 4טן יארהונדערט. אין יאר 771 איז אויפגעשטעלט געווארן אין דעם ארט א קלויסטער. אין יאר 799 איז סאנקט פעלטן גערופן געווארן "טרייסמא", און אין יאר 1050 האט זי זיך שוין פארעכנט פאר א שטעטל. אין יאר 1159, איז זי עמטליך געווארן א שטאט. די שטאט איז דערקלערט געווארן הויפטשטאט נאכן באשלאס פונעם נידער-עסטרייכישן פארלאמענט אין יולי 1986. די נידער-עסטרייכישע רעגירונג הויפטקווארטירט אין סאנקט פעלטן זייט יאר 1977.
די באדייטונג פון דער שטאט'ס נאמען
אריגינעל דער נאמען פון דער שטאט שטאמט אפ פון א נאמען פונעם פארצייטישן קריסטלעכן טעאלאג "פאליטוס". אנפאנג האט מען גערופן די שטאט "סאנקט פאליטוס", דערנאך "סאנקט פאליט", און צולעצט האט די שטאט אדאפטירט דעם נאמען "סאנקט פעלטן".
דער הערב און דער סימבאל פון סאנקט פעלטן
דער הערב פון סאנקט פעלטן איז צוטיילט צו צוויי חלקים: פון דער רעכטער זייט איז געמאלן א זילבערנער דיקער וואלף אויף א העל-בלויען הינטערגרונט, און פון דער אנדערער זייט, א רויטער שטרייף אויף א ווייסן הינטערגרונט. די פארבן פון דער שטאט זענען רויט און געל. דער סימבאל פון סאנקט פעלטן אנטהאלט אין זיך דעם שטאט'ס הערב, און דעם הערב נעמען ארום די פאלגנדע ווערטער:"Landeshauptstadt St. Pölten" (אידיש: די הויפטשטאט פונעם לאנד - "סאנקט פעלטן")
 | דער אַרטיקל איז אַ יתום, ווייל ווייניק אָדער קיין אַרטיקלען פאַרבינדן צו אים. זייט אַזוי גוט שאַפט לינקען צו דעם בלאַט פון אַרטיקלען וואָס האָבן אַ שייכות; ס׳איז פאַראַן פאָרשלאָגן. |
 | דער ארטיקל בנוגע א געאגראפיש ארט אין אייראפע איז א שטומף—עס פעלן אין אים גרונטלעכע אינפארמאציע איבערן פארשטאנד פון דער טעמע. ביטע העלפֿט דאס פֿארברייטערן. |
This article uses material from the Wikipedia ייִדיש article סאנקט פעלטן, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.