משה ארענס

א כנסת דעפוטאט פון דער ליכוד פארטיי אוון א מיניסטער אין עטליכע רעגירונגען. פון פאך אויס איז ער אן עראפלאן אינזשעניר.

משה ארענס
משה ארנס

געבורט	27 דעצעמבער 1925 קאוונע, ליטע
טויט	7 יאנואר 2019 (אלט 93) ישראל
מדינה	ישראל, פאראייניקטע שטאטן פון אמעריקע
gov.wackyninja.com/heb

ארענס איז געבוירן אין קאוונע דעם 27סטן דעצעמבער 1925, און אין יאר 1939, האט זיין פאמיליע זיך אריבערגעצויגן קיין ניו יארק. ער האט געדינט אין דער אמעריקאנער ארמיי ביי דער ענדע פון דער צווייטער וועלט מלחמה, און אין 1948 האט ער געמאכט עליה, און געקומען וווינען אין ישראל.

ארענס איז אריין אין כנסת אין יאר 1973, וואו ער האט געדינט אין פארשיידענע פאזיציעס. אין 1983, ווען אריק שרון איז געפונען געווארן פאראנטווארטליך אין די סאברא און שאטילא מאסן מארד, דורכאויס די ערשטע לבנון מלחמה און איז אויפגעזאגט געווארן. האט מנחם בעגין אויפגענומען ארענס אלס זיכערהייטס מיניסטער, א פאסטן וואס ער האט אנגעהאלטן אויך אונטער יצחק שמיר.

נאכן "שמוציקע פרווו" פון שמעון פערעס, ווען די עבודה איז ארויסגעווארפן געווארן פון דער קאאליציע, איז ער ווידעראמאל געווארן א מיניסטער, דאס מאל אויסערן מיניסטער. ווען שמיר האט פארלוירן די וואלן אין 1992, האט ער דערקלערט אז ער טרעט ארויס פון פאליטיק, אבער ער האט זיך אומגעקערט, און האט געדינט נאכאמאל אלס זיכערהייטס מיניסטער, אונטער בנימין נתניהוס ערשטע קאדענציע, נאכן איבערנעמען יצחק מרדכי.

ער ווערט פארעכנט אלס רעכטער, ער האט אטאקירט שרון, קודם פארן נישט ענטפערן קעגן דעם פאלעסטינער טעראריזם, אנהייב פון על אקצא אינטיפאדע, שפעטער פארן ריקצוג פלאן פון עזה שטרייף.

אין יאר 2003 האט ער ארויסגעטרעטן פון פאליטיק. ער האט זיך פארנומען מיט פארשונגען, ווי אויך פארעפנטליכט ער ארטיקלען פון צייט צו צייט, אין דער הָאָרץ צייטונג.

ער האט ארויסגעגעבן א בוך "דגלים מעל הגטו" (פענער איבער דער געטא), וואו ער פארשט די אקטיוויטעטן פון דער יידישער מיליטערישער פאראייניקונג אין דער ווארשעווער געטא, און זייער ראלע אין דער געטא אויפשטאנד.

דעם 7טן יאנואר 2019 (א׳ שבט תשע"ט) איז ער נפטר געווארן אין סאוויאן. ער האט איבערגעלאזט זיין ווייב מוריעל, פיר קינדער און ניין אייניקלעך.

משה ארענס האט געוואוינט אין סביון. ער איז נפטר געווארן דעם 7טן יאנואר 2019 און איז באגראבן געווארן אויפן בית-עולם סביון. ער ווערט איבערגעלעבט זיין ווייב מוריאל (געבוירן אייזנבערג), וועלכע איז אומגעקומען בערך צוויי חדשים שפּעטער, דעם 12טן מערץ 2019, און פיר קינדער. זיין זון,

• יגאל ארנס, איז א פראפעסאר אינעם אוניווערסיטעט פון דרום קאליפארניע, און האט געפירט צוויי צענטערס וואס פארהאנדלען מיט אינפארמאציע סיסטעמען, אריינגערעכנט סייכל, די מלחמה קעגן טעראר און דיגיטאלער רעגירונג. געווען אַקטיוו אין דער "קאָמפּאַס" אָרגאַניזאַציע.
• זיין טאכטער ​​עליזה ארענס איז אן ארכיטעקט וואס איז ערוויילט געווארן צו דינען אין דער ירושלים מוניציפאליטעט ראט אין די ישראל לאקאלע רעגירונג וואלן 2018 אויף דער "התעוררות בירושלים" די עופר בערקאוויטש רשימה.