ווישעווע מנחם מענדיל האגער
רבי מנחם מענדיל האגער זצל (
אפשטאם
רבי מנחם מענדיל איז געבוירן אין יאר ה'תרמ"ה, דער בכור פון זיין פאטער הרב ישראל האגער, פון וויזשניץ, "דער אהבת ישראל", א זון פון הרב ברוך האגער, פון וויזשניץ, "דער אמרי ברוך", א זון פון הרב מנחם מענדיל האגער פון וויזשניץ, באקאנט אלס "דער צמח צדיק", א זון פון הרב חיים האגער פון קאסאוו, "דער תורת חיים", א זון פון הרב מנחם מענדיל האגער, פון קאסאוו, "דער אהבת שלום". און צו זיין מוטער מרת מרת הינדא א טאכטער פון הרב מאיר הורוויץ, פון דזשיקאוו, "דער אמרי נועם", א זון פון הרב אליעזר הורוויץ, רב אין דזשיקאוו, באקאנט אלס "רבי אליעזר'ל דזשיקאווער", א זון פון הרב נפתלי צבי הורוויץ, דער ראפשיצער רב
רבנות
זיין פאטער האט אויף אים געזאגט "רבי מנחם מענדיל איז מיין ספרים שאנק", און אז ער פארמאגט נישט אזויפיל ספרים, ווי רבי מנחם מענדיל פארמאגט אין קאפּ. ער האט באקומען היתר הוראה גאנץ יונג פונעם מהרש"ם, רבי שלום מרדכי שוואדראן פון בערזשאן.
פון יאר ה'תרס"ח איז רבי מנחם מענדיל געווען רב אין וויזשניץ, און ראש הישיבה פון די ישיבה "בית ישראל". אין יאר ה'תרפ"א איז ער אויסגעוויילט געווארן אלס רב אין אייבער־ווישעווע, וואו ער האט אויף געשטעלט אין יאר ה'תרפ"ח א ישיבה "בית ישראל" מיט מער ווי 500 תלמידים.
רבי מנחם מענדיל איז געווען פון די פירערס פון אגודת ישראל און א מיטגליד אין דער מועצת גדולי התורה.
הסתלקות
רבי מנחם מענדיל איז נפטר געווארן אין קלויזענבורג נאך א שווערער אפעראציע מוצאי שבת קודש י"ג טבת ה'תש"א, זיין ארון איז ארויף געברענגט געווארן כ"ט כסלו ה'תשכ"ו און ער ליגט אין בני ברק.
פאמיליע
אין יאר ה'תרס"ב האט רבי מנחם מענדיל געהייראט מרת יענטא מרים הי"ד ( - ה' סיון ה'תש"ד), א טאכטער פון זיין פעטער הרב מרדכי חאדאראוו, פון קאלאמייע. זייערע קינדער:
ווישעווער הויף
אין תש"ס האבן די איבערגעבליבענע ווישעווער חסידים באנייט דעם הויף אין רמות, ירושלים, און זיי האבן באשטמיט רבי מענדילס אייניקל, רבי ברוך, ווישעווער רבי. זיינע ברידער, רבי מנחם מענדיל און רבי יצחק פירן רביסטעוועס אין מאנסי און בארא פארק, ניו יארק.
זיינע ספרים
- תורת מנחם
- שארית מנחם
זעט אויך
רעפערענצן
- אנציקלופדיה לחכמי גליציה, מאיר וונדר
This article uses material from the Wikipedia ייִדיש article מנחם מענדיל האגער (ווישעווע), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.