מאַקאווא איז דער נאמען פון א חסידישן הויף הויפטקווארטירט אין קרית אתא, ישראל, וואס שטאמט פון דער שטאט מאקאווע (אונגאַריש: Makó) אין אונגארן.
דער היינטיקער רבי איז הרב שמעון לעמבערגער.
דאס חסידות האט שטיבלעך אין קרית-אתא, בני-ברק, אשדוד, אלעד און אויך אין בארא פארק אין די פאראייניגטע שטאטן.
דער גרינדער פון דער מאקאווער דינאסטיע איז געווען רבי משה פֿארהאַנד, מחבר פונעם ספר "אהל משה'", מאקאווער שטאטס רב און ראש ישיבה דארטן, לויטן שטייגער פון די אונגארישע חסידישע ישיבות.
רבי משה איז נפטר געווארן י"ז סיון תש"ד, ווערנט דעם חורבן אייראפע, אין דער שטאט בודאפעשט. נאך א סך אנשטרענגונגען האט מען אריבערגעפירט צו זיין שטאט פאר קבורה.
נאך דער מלחמה זענען א טייל איבערגעבליבענע צוריקגעגאנגען קיין מאקאווע. הרב משה נתן נטע לעמבערגער, וואס האט געהאט געהייראט הרב משה פארהאנד'ס אייניקל, האט געפירט די קהילה. (ער איז שוין געווען א דיין אין דער קהילה פון תרצ"ו, אין זיין זיידנס יארן.)
אין תשי"ב איז הרב לעמבערגער ארויפגעגאנגען קיין ארץ ישראל. ער האט זיך באזעצט צוערשט אין ירושלים און דערנאך האט מען אים באשטימט רב פון דער חסידישער קהילה אין כפר אתא (היינט קרית אתא). ער איז נפטר געווארן שבת פרשת וירא כ' מרחשוון תשמ"ג.
זיינע איידעמער זענען רבי דוב בעריש פאנעט פון דעעש רמות, הרב משה אשרי, הרב חיים מאיר ענגלארד דאברא רב, און רבי שלמה גאלדמאן, זוועהילער רבי.
דער היינטיקער רבי, רבי שמעון לעמבערגער, איז זיין זון.
רבי שמעון'ס ברידער דינען אין רבנות אין חסידישע קהילות אין פארשידענע שטעט.
This article uses material from the Wikipedia ייִדיש article מאקאווא (הויף), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.