רבי מאיר פרעמישלאנער (תקמ, 1780 (טייל זאָגן תקמג, 1783) - כט אייר תרי, 1850) איז געווען איינער פון די גרעסטע פירער פון חסידות און א גרויסער בעל מופת.
מאיר פרעמישלאנער | ||
---|---|---|
פטירה | כ"ט אייר תר"י פרעמישלאן | |
חסידות | פרעמישלאן | |
נומער אין דינאסטיע | 3 | |
פאריגער | אהרן אריה לייב פון פרעמישלאן | |
פאטער | רבי אהרן לייב | |
ווייב | שלאמצע מייזלס | |
קינדער | צבי פינף טעכטער |
ער איז געווען אן אייניקל פון רבי מאיר הגדול פון פרעמישלאן וואס איז געווען איינער פון די תּלמידי בעל שם טוב.
ער איז געבוירן געווארן צו רבי אהרן אריה לייב, א זון פון רבי מאיר הגדול פון פרעמישלאן, און יענטא. פון זיין יוגנט איז ער געווען פאַרנומען מיט דער מצוה פון צדקה און זאָרגן פאַר די אָרעמעלייט. ביזן סוף פון זיין לעבן האָט מען אים גערופן "ר' מאיר'ל".
נאָך דער פטירה פון זיין פאָטער אין תקע"ג, איז ער געווארן זיין ממלא אין דער רביסטעווע. ער איז געווען א תלמיד פון רבי מרדכי פון קרעמניץ, דער זון פון רבי יחיאל מיכל פון זלאטשעוו, און ער האט זיך אויך געווייקט ביי דעם חוזה פון לובלין.
ער איז געווען באַוואוסט ווי אַ גאנץ פּשוטער און א באשיידענער, אַ בעל צדקה וואס האט געשטיצט נויטבאדערפֿטיקער. ער איז געווען אויך באַוואוסט פאר זיין ספּעציעלן אהבת ישראל.
עס ווערט געברעגט וועגן אים הונדערטער מעשיות פון מופתים, רוח הקודש און אהבת ישראל.
זיין תורה און דערציילונגען וועגן אים זענען געשריבן געוואָרן אין "אור המאיר", "דברי מאיר" און "מרגניתא דרבי מאיר".
ער איז נסתלק געווארן כ"ט אייר שנת תר"י, און מקום מנוחת קדשו איז אין פרעמישלאן.
ער האט חתונה געהאט מיט שלאמצא, דער טאכטער פון ר' צבי מייזלס פון פאדהייץ, וואס האט אים געבוירן א זון און פינף טעכטער:
ער איז געווען א ברודער פון:
This article uses material from the Wikipedia ייִדיש article מאיר פרעמישלאנער, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.