ישראל חיים קאהן: אדמו״ר אין ירושלים

דער אַרטיקל איז אַ יתום, ווייל ווייניק אָדער קיין אַרטיקלען פאַרבינדן צו אים. זייט אַזוי גוט שאַפט לינקען צו דעם בלאַט פון אַרטיקלען וואָס האָבן אַ שייכות; ס׳איז פאַראַן פאָרשלאָגן.

ער איז דער פינפטער און יונגסטער זון פון דעם פריערדיגן תולדות אהרן רבי, רבי אברהם יצחק קאהן.

י"א סיון ה'תשל"ה, האט ער געהייראט מרת שרה, א טאכטער פון רבי אברהם צבי הלוי בעק, רב פון קהל "עדת ישראל" אין מעלבארן, אויסטראליע.

אין יאר ה'תשנ"ז נאך דער פטירה פון זיין טאטן איז ער באשטימט געווארן אלס דעם רב פון דער תולדות אהרן קהילה. אומגעפער זעקס יאר דערנאך האט ער זיך איבערגעקערט און באזירט אין בית שמש, און לויט דעם באפעל פון זיין ברודער, דער תולדות אהרן רבי, רבי דוד קאהן, איז ער נתמנה געווארן אלס רב פון דער תולדות אהרן געמיינדע אין "רמת בית שמש ב'".

אומגעפער אין יאר ה'תש"ע האט אים זיין ברודער דער רבי דערמונטערט איבערצולאזן תולדות אהרן און אויפשטעלן אן אייגענעם הויף. ער האט געעפנט א חסידות מיטן נאמען "נחלת אהרן", אויפן נאמען פונעם ערשטן רבי'ן און גרינדער פון דער תולדות אהרן - שומרי אמונים דינאסטיע, רבי אהרן ראטה.

רבי ישראל חיים, טרעט אויף זייער אפט ביים ליטווישן ציבור. דער עיקר פון זיין טעטיגקייט איז קאנצענטרירט אין בית שמש, אבער טראצדעם, האט ער אנהענגערס אויך אין אנדערע פלעצער, אזוי ווי צום ביישפיל מודיעין עילית, אשדוד און אזוי ווייטער. רבי ישראל חיים איז אויך א דיין אין עדה החרדית.

• רבי אהרן, דינט אלס ראש ישיבה פון "פרח מטה אהרן" אין בית שמש, האט געהייראט מרת אסתר שרה, טאכטער פון רבי יהודה אליעזר דוד ניישלאס, אב"ד סערדהאלי און א דיין אין עדה החרדית.
• רבי שמואל, מגיד שיעור אין תולדות אהרן ישיבה אין ירושלים, האט געהייראט מרת בת-שבע, טאכטער פון רבי צבי הירש דירנפעלד, ראש הכולל פון משכנות הרועים חסידות.
• רבי מנחם מענדל.
• רבי יואל.
• מרת רבקה, ווייב פון איר שוועסטער-קינד רבי חיים יהודה לייב הכהן כ"ץ, זון פון איר פעטער רבי שלמה זלמן, אב"ד תולדות אהרן וויליאמסבורג.
• מרת פראדיל, ווייב פון איר שוועסטער-קינד רבי ישעיה יוסף בעק, זון פון איר פעטער טשערקאסער רב פון מאנסי.
• מרת רייזל, ווייב רבי אביגדור פאלאק, זון פון רבי אהרן, בערגזאסער רבי אין אלעד.
• מרת סימא, ווייב פון רבי משה יעקב הורוויץ, זון פון רבי אייזיק הורוויץ ספינקער רבי.
• ווייב פון רבי יצחק אייזיק פריעדמאן, זון פון טענקע'ער רב.
• ווייב פון רבי שמעון אהרן לעמבערגער, זון פון רבי אשר אנשיל, מאקאווא'ער רב אין אלעד.