רבי יחיאל טייטלבוים היד (י' שבט ה'תרכח - כב תמוז ה'תשב), רב אין קאלבאסאוו.
רבי יחיאל איז געבוירן י' שבט ה'תרכ"ח, צו זיין פאטער הרב אברהם אהרן טייטלבוים, רב אין קאלבאסאוו, א זון פון הרב יקותיאל יהודה טייטלבוים, דער ייטב לב, א זון פון הרב אלעזר ניסן טייטלבוים, רב אין דראהאביטש, א זון פון הרב משה טייטלבוים דער ישמח משה. און צו זיין מוטער מרת רייצא א טאכטער פון הרב יחיאל רובין, רב אין קאלבאסאוו, א זון פון הרב אשר ישעיה רובין רב אין ראפשיץ.
רבי יחיאל איז געווען א צדיק אינגאנצן אויסגעטוהן פון דער וועלט, ער האט שטונדען פארברענגט זיך גרייטן צום דאווענען. רבי יחיאל איז אויסגעוועלט געווארן דורך זיין פאטער אלס זיין ממלא מקום, רב אין קאלבאסאוו, אבער ס'האט זיך געשאפן קעגען אים אן אפאזיציע פון די דזשיקאווער חסידים. אין יאר ה'תר"ץ איז רבי יחיאל ארויס מיט א קאמפף קעגען דעם אויפנעמען פון זיין שוועסטער-קינד רבי מענדעלע רובין אלס דיין, מ'האט געזעצט א בוררות צוזאמען געשטעלט פון הרב שמואל אהרן מיללער רב אין לאבאווא, הרב יהושע ווידערקעהר רב אין פשעמישעל, אין הרב אברהם יצחק הורוויץ רב אין פראוויזנא, זיי האבן ארויס געגעבען זייער פסק אז דאס רבנות געהערט צו רבי יחיאל, אבער זיי האבן געווירקט אויף רבי יחיאל ער זאל צולאזען רבי מענדעלע אלס דיין.
רבי יחיאל איז אומדעקומען אויף קידוש השם כ"ב תמוז ה'תש"ב הי"ד.
רבי יחיאל האט געהייראט מרת דבורה א טאכטער פון הרב אריה לייביש ראזענפעלד רב אין מאשציסק.
This article uses material from the Wikipedia ייִדיש article יחיאל טייטלבוים, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.