יוסטאן באן סטאנציע: צענטראל לאנדאנער סוף-סטאנציע

זי איז דער דרום וואקזאל פון דער מערב בארטן הויפט ליניע קיין ליווערפול, מאנטשעסטער, עדינבורג און גלאזגוי, און דער הויפט טויער פון לאנדאן צו די מערב מידלאנדס, צפון-מערב, צפון וויילס און טיילן פון סקאטלאנד. ווירדזשין באנען פארזארגט גיכע צווישנשטעט דינסטן צו די געגנטן. יוסטאן איז אויך די לאנדאנער סוף-סטאנציע פאר דער לאנדאן נארדוועסטערן אייזנבאן וואס פארזארגט לאקאלע און רעגיאנאלע דינסטן קיין הארטפארדשיר, באקינגהאמשיר, בעדפארדשיר, נארטהאמפטאנשיר און וואריקשיר. אויך איז יוסטאן די סוף-סטאנציע פאר די פארשטאטישע דינסטן אויף דער וואטפארד ליניע פון לאנדאנער איבערגרונט.

יוסטאן
הויפט אריינגאנג אין 2009
(למפת צענטראל לאנדאן מוגדלת)   יוסטאן (למפת צענטראל לאנדאן רגילה)   יוסטאן לאקאציע פון יוסטאן אין צענטראל לאנדאן
לאקאלער סטאנציע נאמען:	Euston
יאר געעפנט:	1837
לאקאציע:	יוסטאן ראד
בארא:	לאנדאנער בארא פון קאמדן
פארוואלטער:	נעצווערק באן
צאל פעראנען:	18
סטאנציע קאד:	EUS
טראוולקארטע זאנע:	זאנע 1
נאציאנאלע באן יערלעכע פאסאזשירן
2014-15	42.952 מיליאן
2016-17	44.059 מיליאן

יוסטאן איז געווען דער ערשטער צווישנשטעט באן וואקזאל אין לאנדאן.

יוסטאן איז געווען די ערשטע צווישנשטעט באן סטאנציע אין לאנדאן, געעפנט דעם 20סטן יולי 1837 ווי די סוף-סטאנציע פון דער לאנדאן און בירימינגהאם באן. מען האט דעמאלירט די געביידע אין די 1960ער יארן און געבויט די היינטיקע געביידע אינעם אינטעראציאנאלן מאדערנעם סטיל.

נייע געביידע

 

 

די סטאנציע האט 18 פעראנען. פעראנען 8 ביז 11 ווערן גענוצט פאר לאנדאנער איבערגרונט און לאנדאן מידלאנד רעגיאנאלע דינסטן—די פעראנען האבן אויטאמאטשע בילעטן־טויערן. פעראנען 1, 2, 14 און 15 זענען גאר לאנג פאר די  16-וואגאנען קאלעדאניען סליפער.

יוסטאן סטאנציע איז גראד איבער און פארבינדן מיט יוסטאן אונטערגרונט סטאנציע, , אויף דער וויקטאריע ליניע און דער נארדערן ליניע (סיי דער באנק צווייג סיי דער טשארינג קראס צווייג) פון דער לאנדאנער אונטערגרונט. יוסטאן סקווער אונטערגרונט סטאנציע אויף די האמערסמיט און סיטי, מעטראפאליטאן און קרייז ליניעס איז א מהלך פינף מינוט צופיס דורך יוסטאן ראד.

פארנט פון דער סטאנציע איז א בוס סטאנציע מיט דינסטן צו פארשיידענע טיילן פון לאנדאן.