הרב יהודה (יודאלע) הורוויץ (יח אלול
יהודה הורוויץ איז געבוירן אין וויזשניץ י"ח אלול ה'תרס"ה צו זיין פאטער הר"ר אלטער יחזקאל אליהו הורוויץ, דער דזשיקאווער רבי, און זיין מאמע, חוה האגער, א טאכטער פונעם אהבת ישראל פון וויזשניץ. ער איז געווען א תלמיד אין נגלה פון הר"ר מאיר אריק, דער טארנער רב, ביי וועמען ער האט געלערנט פינף יאר. ער האט חתונה געהאט מיט מרים, א טאכטער פון זיין פֿעטער הר"ר חיים מאיר האגער.
ביי די צוואנציק יאר האט ער באקומען היתר הוראה פון הרב אברהם מענדל שטיינבערג, בראדער רב. אויך האט אים פארהערט זיין פעטער רבי חיים האגער פון אנטאניע. ער האט זיך געהאלטן אין פארבינדונג מיטן באיאנער רבי'ן, רבי משה פרידמאן.
אין תרצ"ז איז ער געווארן א דיין אין קלויזענבורג.
ער האט אימיגרירט אין ארץ ישראל; פריער האט ער געוואוינט אין תל אביב און נאכהער אין ירושלים.
כאטש די דזשיקאווער חסידים האבן אים געמוטשעט ער זאל ווערן זייער רבי, האט ער נישט געוואלט פֿירן קיין רביסטיווע. נאר בסוף ימיו האט ער אנגעהויבן צו נעמען קוויטלעך. צוליב זיין קראנקייט האט ער געצויגן אין תשמ"ה קיין לאנדאן, וואו ער האט באקומען א נאמען אלס רבי. ער איז נפטר געווארן י"א סיון תשמ"ט און ער ליגט אינעם ענפילד בית עולם, וואו מען האט אויפגעשטעלט אן אוהל אויף זיין קבר. יעדער יאר אויף זיין יארצייט פֿארן טויזנטער יידן אויף זײַן ציון.
זיין לעבנסגעשיכטע איז געשריבן אין זכר צדיק לברכה און כבתה השלהבת
This article uses material from the Wikipedia ייִדיש article יהודה הורוויץ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.