יהודה גרין (געבוירן 1959) איז א חסידישער זינגער, קאמפאזיטאר און בעל תפילה אין דער קארליבאך שול אין וועסט סייד, מאנהעטן .
יהודה גרין | |
---|---|
געבורט ארט | ירושלים |
באשעפטיקונג | בעל תפילה און זינגער |
צאל אלבאמען | 5 |
http://www.yehudagreen.com/ |
ער איז באקאנט אלס נאכפאלגער און תלמיד וועלכער זינגט און דאוונט אויפן נוסח פון שלמה קאַרליבאַך.
יהודה גרין איז געבוירן אין מאה שערים געגנט פון ירושלים, אין א משפּחה פון ברעסלאווער חסידים. ער האָט געהערט זײַן ערשטן שלמה קארליבאך אלבאם ווען ער איז געווען אלט פינף יאָר. אלס בחור האט ער געלערנט אין א ליובאוויטשער ישיבה.
אין 1969 האָט ער זיך באטייליגט ביי זיין ערשטער קאַרליבאך פאָרשטעלונג, און זינט דאן איז ער ווי צוגעבינדן געווארן דערצו, און ער האט זיך אנגעהויבן באטייליגן ביי מלוה מלכה'ס פון קארליבאך ווען ער האט געקענט.
אין 1980 האָט יהודה זיך באטייליגט ביי א קומזיץ אין גאלדערס גרין, לאָנדאָן, וואו קארליבאך האט געזינגען. רבי שלמה איז אנטציקט געווארן פון אים, און ער האט אים איינגעלאדנט צו קומען זינגען מיט אים ביי א קאנצערט וואס ער האט אפגעהאלטן דעם קומענדיגן טאג. גרין דערציילט אז ער האט זיך אזוי געשעמט, אַז ער האט נאר מסכים צו קומען זינגען, שטייענדיג הינטער א פארהאנג.
אין די שפּעט 1990 יארן, איז ער געבעטן געווארן צו דינען אלס בעל תפילה פאר די ימים נוראים תפילות אין די קארליבאך שול. ער איז געווארן אן אפיציעלער חזן אין יענער שול אין 1998. ער פירט אן די שבת תפילות צוויי מאל א חודש.
זיין קאַרליבאַך נוסח סליחות וואס ער פירט אן אין דער קארליבאך שול, ציט צו זיך גאר אסאך צוקוקער.
This article uses material from the Wikipedia ייִדיש article יהודה גרין, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). דער אינהאַלט איז פֿאַראַן אונטער CC BY-SA 4.0 ווען נישט באוויזן אנדערש. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ייִדיש (DUHOCTRUNGQUOC.VN) is an independent company and has no affiliation with Wiki Foundation.