וואלאווע אהרן טייטלבוים

רבי אהרן איז געבוירן אין אלול ה'תרמ"א, צו זיין פאטער הרב ישראל יעקב יוקיל טייטלבוים רב אין וואלאווע, א זון פון הרב שמואל טייטלבוים רב אין גארליץ, א זון פון הרב אלעזר ניסן טייטלבוים, רב אין דראהאביטש, א זון פון הרב משה טייטלבוים דער ישמח משה. און צו זיין מוטער מרת הענדל א טאכטער פון זיין פעטער הרב יקותיאל יהודה טייטלבוים, דער ייטב לב.

אין יאר ה'תרס"ה האט זיין פאטער געשטעלט רבי אהרן אלס ראש בית דין פון וואלאווע, נאך זיין פאטער'ס פטירה אין יאר ה'תרפ"ד איז רבי אהרן אויפגענומען געווארן רב אויף זייין פאטער'ס ארט. נאך זיין ברודער רבי נפתלי'ס פטירה איז רבי אהרן אויפגענומען געווארן רב אין נירבאטור.

רבי אהרן איז געווען באקאנט אין זיין קאמף קעגען די ציוניסטישע באוועגונג, און א קעגנער פון דעם געדאנק פון דער אגודה.

רבי אהרן איז אומגעקומען אויף קידוש השם ג' סיון ה'תש"ד הי"ד.

רבי אהרן האט געהייראט מרת חיה, א טאכטער פון הרב שמואל באב"ד, רב אין ווישניא. זייערע קינדער:

• מרת רייצא הי"ד ( - ח' סיון ה'תש"ד), די ווייב פון הרב יחיאל מיכל ניסן גראס ( - כ"ט תמוז ה'תרח"ץ), דיין פון אודווארי, א זון פון הרב רפאל גראס רב אין בערבעשט. זייערע קינדער:
  • הענדל הי"ד... רפאל הי"ד... יקותיאל יהודה הי"ד... רויזא בלימא הי"ד... ביילא הי"ד... שמואל הי"ד.

• הרב שמואל טייטלבוים הי"ד ( - סיון ה'תש"ד), רב אין ניגרעשט.

• הבחור יקותיאל יהודה טייטלבוים ( - ט"ז סיון ה'תרפ"ט).

• הרב יצחק טייטלבוים הי"ד ( - כ"ה ניסן ה'תש"ה), יונגער רב אין וואלאווע. ער האט געהייראט מרת הינדא. א טאכטער פון הרב משולם זושא יצחק האלבערשטאם פון ראצפערט.

• מרת רחל אסתר הי"ד ( - ז' אדר ה'תש"ד) די ווייב בזיווג ראשון פון הרב אלכסנדר אשר באב"ד, טארטיקאווער רב פון ברוקלין. זייערע קינדער:
  • ביילא ברכה הי"ד... הענדל הי"ד... גיטל.

• הרב חנניה יו"ט ליפא טייטלבוים, וואלאווער רב פון ניו יארק.

• מרת פעסיל לאה ז"ל, די ווייב פון הרב משה טייטלבוים (ה'תרע"ה - כ"ו ניסן ה'תשס"ו), רב אין סיגעט און נאכהער סאטמארער רבי אין ניו יארק.

• אנציקלופדיה לחכמי גליציה, מאיר וונדר