ციმუეფი – ორგანული ნიფთიერებეფი, ნამუეფით აფხვადუნა მუჭოთ ჩხოლარულ, თაშნეშე ჩანარულ უჯრედეფს.
ციმუეფით გჷშაკერძაფილო ღჷმალიერიე ნამთინე ჩანარიშ – ნეძიშ, თხირიშ, მეჩხორიეშ, არაქისიშ, ქოქოსიშ პალმაშ ნაჸოფეფი დო თასეფი. ჩხოლარეფიშ ციმუ შაყარელიე ტყებიშთუდო დო ბადექონს. ვეშაპიშ ტყებიშთუდონი ციმუამი შჷრეშ სიფსქა ართი მეტრაშახ რე. ციმუ სიტიბაშ გლახა მუკმაშქუმალუ რე. თეშენიე, ნამუდა ვერშაპის, დელფინს, სელაპის, შეულებუნა რგილუ წყარს რინა. თაშნეშე თხილანს ციმუშ ფსკელი ფა სიტიბაშ დინაფაშე ჩე თუნთის დო პინგვინეფს.
ციმუეფი ენერგიათ ღჷმალიერი ნიფთიერებეფი რე. უჯრედეფს ციმუშ საბოლო აკოფაჩუაბორჯის შხვა პროდუქტეფწკჷმა ართო დიდი მუდანობათ წყარი გჷმირთუ. ათეშენ რე გუთმარზუნან ტიოზის ხორინელი ნოტყეფი დიდხანს უწყარეთ. ორგანიზმიშო უციო წყარი ონოზირუე ციმუშ ფაჩუაშ ჟამს კინ ორგანიზმის გუთმაჭყაფუნა.
This article uses material from the Wikipedia მარგალური (Margaluri) article ციმუ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.