ოსკარ შინდლერი (გერმ.
Oskar Schindler; დ. 28 პირელი, 1908 — ღ. 9 გჷმათუთა, 1974) — გერმანალი ინდუსტრიალისტი, ნამუქჷთ მუშ საწარმეეფს მოხანდე 1200-შახ ურია ჰოლოკოსტის გინატჷ. შინდლერიშ გეშა გინოღალირი რე ფილმი „შინდლერიშ ერკებული“ (1993).
ოსკარ შინდლერი | |
გერმ. Oskar Schindler | |
მოღალობა | |
---|---|
ბიოგრაფიული ჩინებეფი | |
დაბადებაშ თარიღი | 28 პირელი, 1908 |
დაბადებაშ აბანი | ცვიტაუ, მორავია, ავსტრია-უნგრეთი (ასე სვიტავი, ჩეხეთიშ რესპუბლიკა) |
ღურაშ თარიღი | გჷმათუთა 9, 1974 (66 წანერი) |
ღურაშ აბანი | ჰილდესჰაიმი, თუდოლენი საქსონია, გფრ |
დოლმახორალა | მეწარმე |
მუმა | ჰანს შინდლერი |
ნანა | ფრანცისკა ლუზერი |
ალმასქუ | ემილია შინდლერი |
ოსკარ შინდლერქ დებადჷ 1908 წანაშ 28 პირელს, ეთნიკური გერმანალიშ ფანიას, მორავიას, ნამუთ ავსტრია-უნგრეთიშ დორხველუას რსჷ (მორავია ასე ჩეხეთიშ რესპუბლიკაშ ტერიტორიულ აკოდგინალუაშა მიშმურს). მუჟამსჷთ ოსკარი 27 წანერი რდჷნ, თიშ მასქერეფქ ჰანს შინდლერქ დო ფრანცისკა ლუზერქ ართიანს ჩეთხუეს. ოსკარი ირდუდჷ კათოლიკურო, მარა მორწუმე ვა რდჷ. სკოლაშ თებაშ უკული მუშენდჷ მაღაზიაშ ნოქარო. 1928 წანაშ 6 მელახის, ოსკარ შინდლერქ დეგურგინჷ დინდარ ფერმერიშ, ეთნიკური გერმანალეფიშ ფანიაშ ცირასქუაშა, ემილი პელზიშა (1907–2001). 30-იან წანეფს, ოსკარ შინდლერქ ანდაშა დითირჷ სამუშა, ოცადუდჷ მუში ბიზნესიშ წჷმოჭყაფას, მარა კაბეტი დეპრესიაშ პერიოდის თიშ ბიზნესიქ ვაგამართჷ.
This article uses material from the Wikipedia მარგალური (Margaluri) article ოსკარ შინდლერი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.