ოდიშ-გურიაშ რზენი
ოდიშ-გურიაშ რზენი — კოლხეთიშ აკუმულაციური რზენიშ შქა ნორთი.
წყარმალუ ინგირწყარიშ თუდოლენ მალუობაშე წყარმალუ სუფსაშა დო უჩა ზუღაშე წყარმალუ ცხენწყარშახ. ზუღაშ დონეშე 50 მ. ოდიშ-გურიაშ რზენი ჟინნანთხალური დო წორობორჯული ნოლექეფით ეგაფილი ბირტყა დო დაბალი დჷკი რე. ირთუ ოდიშიშ დო გურიაშ რზენეფო. ოდიშიშ რზენი წყარმალუ რიონიშ მარძგვანი ჸურე რე, გურიაშ რზენი — კვარჩხანს. ჰავა ლამე სუბტროპიკულიე. რზენიშ ბჟადაალ ძგა უკებუ ომეურნეთ ნორკებო ემუშორაფილი ჭალადიდიშ დოჭყენჭყაფილ მასივს. რზენს კვათჷნს წყარმალუეფი: ხობწყარი, რიონი, ფიჩორი. ოდიშ-გურიაშ რზენს რე პალიასტომიშ, ჯაპანაშ, გულეთკარიშ, ჩალუბიშ, ჭიჭე პალიასტომიშ, იმნათიშ, მალთაყვაშ დო გრიგოლეთიშ ტობეფი. ოდიშ-გურიაშ რზენს გეკიდილი რე ნოღეფი: ფუთი, ლანჩხუთი, სანაკი, აბაშა დო ხობი. რზენიშ უჭყენჭყე ნორთი ემუშაფილი რე სუბტროპიკულ კულტურეფშო.
წყუეფი
- მარუაშვილი ლ., ქსე, ტ. 7, გვ. 502, თბ., 1984
This article uses material from the Wikipedia მარგალური (Margaluri) article ოდიშ-გურიაშ რზენი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.