ლესლი ნილსენი
ლესლი უილიამ ნილსენი, (დ.
11 ფურთუთა, 1926 – რ. 28 გერგობათუთა, 2010) — კანადარი არტისტი დო კომიკოსი. თინა გინოღალირიე ოშშე უმოს ფილმის, 1500-შე უმოს ტელეგინოჩამას, გასახიერებული აფუ 220-შე უმოსი პერსონაჟი. თელარას თის მიაჩჷ ართ-ართი უმაღალაში ჯილდოქ, კანადაშ ორდენქ.
| ლესლი ნილსენი | |
 | |
| დაბადებაშ ჯოხო | ლესლი უილიამ ნილსენი |
| დაბადებაშ აბანი | რეჯაინა, სასკაჩევანი, კანადა |
| დებადჷ | 11 ფურთუთა 1926 |
| ღურჷ | გერგობათუთა 28, 2010 (84 წანერი) ფლორიდა, ააშ |
| საქვარუა | არტისტი |
| აკოქიმინჯალაშ წანეფი | 1948–2010 |
ნილსენქ დებადჷ რეჯაინას (სასკაჩევანი, კანადა). არტისტიშ კარიერაშა თიქ დუდი შხვადოშხვა ამპლუას ამორსჷ — მაგალითო, დიჯეიშ სახეთ. 1948 წანას თიქ მიღჷ მაართა ოტელევიზიე როლი დო უკულიანი 2 წანაშ გოძვენას — 50-შე უმოსი. მაართა სრულმეტრაჟიან ფილმეფს ნილსენქ 1956 წანას გიშარჩქინდჷ — თენა რდჷ დრამეფი, ვესტერნეფი დო რომანტიკული ფილმეფი. ჯგირი ფასალა მიღესჷ თიში როლეფქ ფილმეფს ნავარებუ პლანეტა (1956) დო პოსეიდონიშ შარალუა (1972)
თიშ უმიკუჯინუო, ნამდა პოპულარობა თის ირიათო უღუდჷნ, 1980 წანაშ ფილმის ფურენჯი! გასახიერებული ექიმიშ როლქ კარიერას დიდი გინოტახუა მახვამილუ. კრიტიკოსიქ როჯერ ებერტიქ თის გიოდჷ „პაროდიული კინოშ ლოურენს ოლივიე“.. დიდ წჷმოძინაქ ხვადჷ წილო ფილმეფიშ სერიათ ტარკალე პისტოლეტი. ნილსენიშ პერსონაჟეფი გიშეგორუნა აბსოლუტურო აბსურდულ სიტუაციას სერიოზული გენწყუაფაშ ასქილადათ. რინაშ ეკონია ეჩი წანა ნილსენიშ კარიერას მიორჩქინალი რე ჯინჯიერო პაროდიული ფილმეფით, ნამუეფიშ უმეტაშობას კრიტიკოსეფქ დაბალი ფასალა მეჩეს. მორო, ათეშ უმკუჯინუო, კინოგაქირებას დო გჷმოჩამას თინეფს წჷმოძინა უღუდჷ. თელი რინაშ გოძვენას ნილსენს მიარე ჯილდოქ მიაჩჷ. ხოლო მიშაჸონაფილი რდჷ კანადაშ დო ჰოლივუდიშ დიდებაშ ოჯალეშა. ნილსენი ოთხშა რდჷ ნაგურგინა. მაჟირა გურგინუაშე თის ჟირი ცირასქუაქ დასქიდჷ.
სქოლიო
რესურსეფი ინტერნეტის
- ლესლი ნილსენი საიტის Box Office Mojo
- ლესლი ნილსენი საიტზე Hollywood.com
- Allmovie მუნაჩამეფი
 | თე სტატია პიჯიშ გეშა დიოდღარო მერკე რე. თქვა შეგილებუნა ქუმმეხვარათ დო აკაფშათ თინა. |
This article uses material from the Wikipedia მარგალური (Margaluri) article ლესლი ნილსენი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.