თეოფრასტე
თეოფრასტე, თეოფრასტოსი (ბერძ.
Θεόφραστος; დ. დოხოლაფირო ჯვ.წ. 371; ერესოსი — ღ. დოხოლაფირო ჯვ. წ. 287; ათენი) — ჯვეში ბერძენი ფილოსოფოსი, ფიზიკოსი, ბოტანიკოსი დო ლოგიკოსი.
| თეოფრასტე | |
| ბერძნ. Θεόφραστος | |
 თეოფრასტეშ ნოჭახნაკუ პალერმოშ უნივერსიტეტიშ ბოტანიკურ ბაღის | |
| დაბადებაშ თარიღი: | დოხოლაფირო ჯვ.წ. 371 |
|---|---|
| დაბადებაშ აბანი: | ერესოსი |
| ღურაშ თარიღი: | დოხოლაფირო ჯვ. წ. 287 |
| ღურაშ აბანი: | ათენი |
| ომენცარე სფერო: | ეთიკა, გრამატიკა, ისტორია, ლოგიკა, მეტაფიზიკა, ფიზიკა, ბოტანიკა, ბიოლოგია |
| სამუშაშ აბანი : | პერიპატეტიკოსეფიშ სკოლა |
| ალმა-მატერი: | პლატონიშ აკადემია |
| ჯოხოშინელი მოგურაფეეფი: | მენანდროსი |
| ჩინებული რე მუჭოთ: | ბოტანიკაშ მუმა |
ბიოგრაფია
თეოფრასტე დაბადებე დოხოლაფირო ჯვ.წ. 371 წანას. თეოფრასტრეშ ბიოგრაფიული ფაქტეფი ეჭარილი რე ჯვეში ბერძენი ბიოგრაფიშ დიოგენე ლაერტალიშ ნაჭარეფს: "გიშარჩქინელი ფილოსოფოსეფიშ რინა დო არზეფი", ნამუქჷთ იჭარჷ თეოფრასტეშ რინაშე 400 წანაშ უკულ. ჸათე ნაჭარეფიშე ბგებულენთ, ნამდა თეოფრასტე დაბადებე ლესბოსიშ ნოღა ერესოსის. ჭიჭე რდუნ თეშ თეოფრასტეს ოცხოვრებშა დო ოგურაფშა ათენიშა მიდურთუმუ, სოდეთი პლატონიშ ხემანჯღვერობათ ნოგურაფუე. თეოფრასტეს ათენს გუჩინებაფუაფჷ არისტოტელე. 345/4 წანას არისტოტელექ მიტილინიშა მიდართჷ, სოდეთ არისტოტელექ დიჭყჷ ორთაშობური მენცარობაშ რკვიება. არისტოტელე ჩხოლარეფს ირკვიენდჷ, თეოფრასტე ჩანარეფს. არისტოტელექ მალას (ჯვ.წ. 343/2 წ.) მაკედონიაშა მიდართჷ დო ალექსანდრე მაკედონარიშ მაგურაფალო გინირთჷ. მაკედონიაშა არისტოტელეს თეოფრასტექ ხოლო მიდაჸუნჷ. ჟირხოლო ფილოსოფოსიქ მაკედონიას ჯვ.წ. 335 წანაშა გაჩენდეს დო უკულ კინ ათენშა დირთეს. ათენს არისტოტელე რდჷ პერიპატეტიკოსეფიშ სკოლაშ ხემანჯღვერი. არისტოტელეშ ღურაშ უკულ, სკოლაშ ხემანჯღვერი თეოფრასტე რდჷ, დოხოლაფირო 35 წანას. თეოფრასტეშ ხემანჯღვერობათ სკოლაქ გიფართინუ დო სკოლას ართ პერიოდის 2000-შე უმოსი მოგურაფე ხოლო ჸუნდჷ. თეოფრასტეშ მენცარული ნაჭარეფიშე ბრელი დინაფილი რე დო ამდღარშახ ვამუჭირინუაფჷ. თეოფრასტეშ ნახანდეფი ორხველუდჷ მენცარობაშ შხვადოშხვა დარგეფს: ბოტანიკას, ბიოლოგიას, ფიზიკას, ლოგიკას, გრამატიკას დო შხვ. თეოფრასტეშ თარი ნახანდეფი რე ნაჭარეფი, ბოტანიკაშ გეშა. ჸათე ნახანდეფს ჩანარეფი დორთილი რე სისტემეფიშ დო კლასიფიკაციაშ მეჯინათ. ეჭარილი რე ჩანარეფიშ რეპროდუქცია, ლოკალიზაცია, თინეფიშ დოხასიათაფა დო შხვა.
რესურსეფი ინტერნეტის
This article uses material from the Wikipedia მარგალური (Margaluri) article თეოფრასტე, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.