სისტემატიკავიკინერობეფს
ვირუსეფი | ||||
---|---|---|---|---|
მენცარული კლასიფიკაცია | ||||
| ||||
ლათინური ჯოხო | ||||
Viruses | ||||
თხილუაშ სტატუსი | ||||
|
ვირუსეფი — 20–300 ნანომეტრიშ ზჷმაშ მიკროსკოპული წიწეფი, ნამუეფსჷთ თელი თოლეფიშ ინფიცირაფა შეულებჷნა. თელარაშ ვათოლური ფორმეფი - ვირუსეფი რე თელი სქილედიშ დიდი ბუნა, ნამუსჷთ ვაუღუ თოლური ნაგი. თე სქილედეფს ვირუსეფი ჯოხო (ლათ. „viruse“ - პანჯი) დო თინეფი თელარაშ ვათოლურ ფორმეფს ორხველჷნა. ვირუსეფი ვართ ჩანარეფს ორხველჷნა დო ვართ ჩხოლარეფს. ვირუსეფი წიწა ზჷმაშ სქილედეფი რე. თეშ გეშა თინეფიშ დოგურაფა შილებე ხვალე ელექტრონული მიკროსკოპიშ მეშქაშალათ. ვირუსეფიშ ართ-ართი გინორთი შანი თინა რე, ნამჷ-და თინეფს თელარა დო გომიარაფა შეულებჷნა ხვალე შხვა, თელი ორგანიზმეფიშ თოლეფს. თელი ორგანიზმეფიშ თოლიშ უმუშო ვირუსეფს რინა ვეშულებჷნა დო თინეფშე მიარეს მუკი-მუკი კრისტალეფიშ ფორმა უღუ. მუჟამსჷთ ვირუსეფი ქინიხორჷნა ჩხოლარიშ, ჩანარეფიშ დო ბაქტერიეფიშ თოლეფსჷნ, გჷმიჭანუანა მიარე ოშქურანჯი ლახარას, თეშ გეშა თინეფი ისხუნუაფუნა მუჭოთ თოლიშ პარაზიტეფი. ადამიერიშ ვირუსულ ლახარეფს ორხველჷ, სამანგათ, წითელე, გრიპი, სურდუ, შიდსი, პოლიომიელიტი, შარტე, ჰეპატიტეფი, წირფა, ფიღვაია დო თ.უ. ჩანარეფიშ ვირუსულ ლახარეფს შქას ჩინებული რე თუთუმიშ, ბარდონიშ დო შხვა კულტურეფიშ მოზაიკური ლახარა, ნამუშ ბორჯისჷთ ვირუსეფი გეთმიორცუანა ქლოროპლასტეფს დო ფურცელიშ დაღამაკებული ნორთეფი მირდღიბუანა. ირი ვურუსული წიწა აკმოდირთუ დნბ ვარდა რნბ-შ მორჩილი მუდანობაშე, ნამუთ ფორილი რე ცილამი დაცხით. თე დაცხი მათხილე როლს არსულენს.
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
This article uses material from the Wikipedia მარგალური (Margaluri) article ვირუსეფი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.