ანა პეკუინი
ანა ჰელენ პეკუინი (ინგლ.
Anna Paquin დ. 24 კვირკვე, 1982, უინიპეგი) — კანადას დუნაბადი ახალზელანდიარი არტისტი.
| ანა პეკუინი | |
 | |
| დაბადებაშ ჯოხო | ანა ჰელენ პაკუინი |
| დაბადებაშ აბანი | უინიპეგი, კანადა |
| დებადჷ | 24 კვირკვე, 1982 |
| საქვარუა | არტისტი |
| აკოქიმინჯალაშ წანეფი | 1993–ასეშა |
| ალმასქუ(ეფი) | სტეფან მოიერი (2010-ასეშა) |
ბიოგრაფია
დებადჷ ნოღა უინიპეგის. 1992 წანას ჩხორო წანერ ანაქ, მუჭოთ 5000-ქ ნიჭიერი ძღაბიქ, აკათჷ მორსებას ფლორა მაკგრატიშ როლს ფილმის „პიანინო“. ახალი ანაქ აკათჷ ათე ფილმის გინოღალას დო დეინალუ ოსკარი მაჟირახარისხამი როლიშ სრულებაშო. ამერიკული კინოაკადემიაშ ათე გინოჭყვადუა არძა დჷმარსხუაფალეფშო შოკიქ იჸუ, მარა არძაშე უმოსო ანაშო. ვითაართი წანერი არტისტიქ მიკროფონს მიახოლუ დო 15 მერქაშ გოძვენას ხონარქ ვეკაღინჷ. ათე წჷმოძინაქ ანას შარა გოუნწყჷ მოსოფელიშ საუჯგუშო სურათეფიშ გინაღალაშ მოედანშა. თიქ ჭიჭე ჯეინიშ როლი ილაჸაფუ ფილმის „ჯეინ ეარი“ (1996) დო დონაშ როლი ფილმის „ბუძოლია“ (1998). ხეახალშო წჷმოძინაქ მორთჷ ანაშა მარი/როუგიშ როლიშ ლაჸჺფიშ უკული ფანტასტიკურ ბლოქბასტერს „X ადამიერეფი“. ათე როლქ არტისტის მუსხირენ ნომინაცია მუღჷ შხვადოშხვა კინოფესტივალს. პეკუინი ბისექსუალი რე.
ფილმოგრაფია
| წანა | მარგალურო | ოდაბადური ჯოხოდვალა | როლი | |
|---|---|---|---|---|
| 1993 | ფ | პიანინო | The Piano | ფლორა მაკგრათი |
| 1996 | ფ | ჯეინ ეარი | Jane Eyre | ახალი ჯეინ ეარი |
| 1997 | ფ | ამისტედი | Amistad | იზაბელა II ესპანარი |
| 1998 | ფ | ბუძოლია | Hurlyburly | დონა |
| 2000 | ფ | იქს-ადამიერეფი | X-Men | მარი/როუგი |
| 2002 | ფ | 25-ა საათი | 25th Hour | მარი დ'ანუნციო |
| 2003 | ფ | იქს-ადამიერეფი 2 | X-men 2 | მარი/როუგი |
| 2005 | ფ | კალმარი დო ვეშაპი | The Squid and the Whale | ლილი |
| 2008-2014 | ს | ნანდული ზისხირი | True Blood | სუკი სტაკჰაუსი |
| 2006 | ფ | იქს-ადამიერეფი:ეკონია ლჷმა | X-Men: The Last Stand | მარი/როუგი |
| 2014 | ფ | იქს-ადამიერეფი: მუმალი ულირი ბორჯიშ დღალეფი | X-Men: Days of Future Past | მარი/როუგი |
რესურსეფი ინტერნეტის
- (ინგლისური) ანა პეკუინი — კინოფილმეფიშ ინტერნეტ მუნაჩემეფიშ ბაზას
სქოლიო
This article uses material from the Wikipedia მარგალური (Margaluri) article ანა პეკუინი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.