ჯონას სოლკი
ჯონას ედვარდ სოლკი (ინგლ.
Jonas Edward Salk; დ. 28 გჷმათუთა, 1914, ნიუ-იორკი, ააშ — ღ. 23 მანგი, 1995, ლა-ხოლია, კალიფორნია, ააშ) — ამერიკალი ვირუსოლოგი, პოლიომიელიტიშ ვაქცინაციაშ დუმარსხუაფალი.
| ჯონას სოლკი | |
| ინგლ. Jonas Salk | |
 | |
| დაბადებაშ თარიღი: | |
|---|---|
| დაბადებაშ აბანი: | ნიუ-იორკი, ააშ |
| ღურაშ თარიღი: | მანგი 23, 1995 (80 წანერი) |
| ღურაშ აბანი: | ლა-ხოლია, კალიფორნია, ააშ |
| მენოღალობა: |
|
| ომენცარე სფერო: | ვირუსოლოგია, ეპიდემიოლოგია |
| სამუშაშ აბანი : | პიტსბურგიშ უნივერსიტეტი |
| ალმა-მატერი: | ნიუ-იორკიშ სიტი კოლეჯი |
| ომენცარე ხემანჯღვერი: | ტომას ფრენსისი |
| ჩინებული რე მუჭოთ: | პოლიომიელიტიშ ვაქცინაციაშ დუმარსხუაფალი |
| ჯილდოეფი დო პრემიეფი: | ლასკერიშ პრემია (1956) |
| ხეშმოჭარუა: |
|
ბიოგრაფია
ჯონას სოლკიქ დებადჷ 1914 წანაშ 28 გჷმათუთას, ნიუ-იორკის, ურიეფიშ ფანიას. გურაფულენდჷ ტაუნსენდიშ სკოლას, უკულ გურაფა გაგინძორჷ ნიუ-იორკიშ სიტი კოლეჯის, სოდეთ მიპალუ ბაკალავრიშ ხარისხი ქიმიას, 1934 წანას. სიტი კოლეჯიშ უკულ სოლკი გურაფულენდჷ მედიცინას ნიუ-იორკიშ უნივერსიტეტის. გურაფაშ თებაშ უკული მუშენდჷ პიტსბურგიშ დო მიჩიგანიშ უნივერსიტეტეფს. 1963 წანას ჯონას სოლკიქ დარსხუ ბიოლოგიური რკვიებეფიშ ინსტიტუტი. ჯონას სოლკი რდჷ შხვადოშხვა პრემიეფიშ დო ჯილდოეფიშ ლაურეატი. 1956 წანას სოლკიქ მიპალუ ალბერტ ლასკერიშ პრემია, 1958 წანას ჯეიმს ბრიუსიშ მემორიალური პრემია. 1976 წანას ამერიკაშ ჰუმანისტურ ორგანიზაციაქ სოლკის გინოჩჷ წანაშ ჰუმანისტიშ ტიტული. 1977 წანას ამერიკაშ პრეზიდენტიქ ჯიმი კარტერქ სოლკიშ გეგნოჩჷ პრესტიჟული ჯილდო მენცარობაშ ერუანული მენდალი. სოლკი რე მენცარული პუბლიკაციეფიშ, სტატიეფიშ დო წინგეფიშ ავტორი. ჯონას სოლკიქ ღურუ 1995 წანაშ 23 მანგის, კალიფორნიაშ ნოღა ლა-ხოლიას, გურიშ ლახარათ. ნთხორილი რე ელ-კამინოშ მემორიალური პარკიშ სასაფლას, სან-დიეგოს.
გიშნაგორა პუბლიკაციეფი
- Man Unfolding (1972)
- Survival of the Wisest (1973)
- World Population and Human Values: A New Reality (1981)
- Anatomy of Reality: Merging of Intuition and Reason (1983)
ლიტერატურა
- Kluger, Jeffrey. Splendid Solution: Jonas Salk and the Conquest of Polio, Berkley Books (2006), history of the polio vaccine
რესურსეფი ინტერნეტის
- The American Experience: The Polio Crusade video, 1 hr. by PBS
- "Legacy of Salk Institute", video, 30 minutes, history of Salk vaccine
- "Polio Vaccine" intro., Britannica, video, 1 minute
- Jonas Salk Legacy Foundation
- Jonas Salk Trust
This article uses material from the Wikipedia მარგალური (Margaluri) article ჯონას სოლკი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.