ეულა

გოიერწკჷმა ართო. ფილმი დორსხილი რე DC კომიქსეფიშ პერსონაჟ ბეტმენს დო რე გოგინძორაფა ფილმიშ „ბეტმენი: დაჭყაფური“ დო „წკურუმია აიარი“. წკურუმია აიარი: ეულა რე ნოლანიშ ბეტმენიშ ფილმეფიშ სერიაშ დათებუ. თის ოკათუნა არტისტეფი კრისტიან ბეილი, მაიკლ კეინი, გერი ოლდმენი დო მორგან ფრიმენი. ფილმის მოქიმინუა მეურს ფილმ „წკურუმია აიარიშ“ მოლინეფშე ბრუო წანაშ უკული. ფილმის რე ჟირი უბადოშმაქიმინალი ბეტმენიშ მითოლოგიაშე, სელინა კაილი (ენ ჰეთეუეი) დო ბეინი (ტომ ჰარდი).

ნოლანი მარყენდ, დირთუდ დო ვარი ათე ფილმის ხოლო ართშა, მარე დეთახმუ თიშ უკულ მუთ ჯიმა, ჯონათან ნოლანწკჷმა დო დევიდ ს. გოიერწკჷმა ართო დოჭარჷ ისტორია, ნამუთ იჸიდჷ ბეტმენიშ სერიეფიშ დათებუ. ფილმის გიმორინაფილი რე ბეტმენიშ კომიქსეფიშ სერიეფი აიარიში დონთხაფა (1993), სოდეთ იჸუ პერსონაჟ ბეინიშ დებიუტიქ. „წკურუმია აიარიში დორთინა“ (1986) სოდეთ ბეტმენი ირთუ გოთემშა ვითწანიანი პაუზაშ უკული დო „მითინიში ტერიტორია“ (1999) სოდეთ გოთემს კრიმინალეფი ეჭოფუნა.

ფილმიში გინოღალა მიშჷ შხვადოშხვა აკანეფს, ინდოეთის, ლონდონის, ნოტინგემის, გლაზგოს, ლოს ანჯელესის, ნიუ-იორკის, ნიუ ჯერსის დო პიტსბურგიშ მიკოროცხუათ. ნოლანქ გიმირინუ IMAX კამერეფი გუმოსახუაშ მაღალი ხარისხიშო. ვირუსულ მარკეტინგიქ, წკურუმია აიარიშ მოხვალამაცალო მოახვამილუ რეკლამეფშო ხეშშენწყუალა. გინოღალეფიშ თებაშ უკული კომპანიაქ Warner Bros. ოძირუ ფილმიშ მაართა ამშვი წუნი. წკურუმია აიარი: ეულა-შ პრემიერაქ მინწყუ გოართიანაფილი ომაფეს, აკოართაფილი შტატეფს დო კანადას 2012 წანაშ 20 კვირკვეს

• კრისტიან ბეილი — ბრიუს ვეინი / ბეტმენი, მილიარდერი, ნამუთ ოცადუ თხილას გოთემი კრიმინალური ოქიანეშე
• მაიკლ კეინი — ალფრედ პენიუორთი, ბრიუსიშ მოინალეთურჩინუაში
• გერი ოლდმენი — ჯეიმზ გორდონი, გოთემიშ პოლიციაშ კომისარი
• მორგან ფრიმენი — ლუციუს ფოქსი
• ენ ჰეთეუეი — სელინა კაილი
• ტომ ჰარდი — ბეინი
• მარიონ კოტიარი — მირანდა ტეიტი, "Wayne Enterprises-ის დირექტორეფიშ სხუნუშ მაკათური, ნამუსით ოკო მეხვარას ბრიუს ვეინს"
• ჯოზეფ გორდონ-ლევიტი — ჯონ ბლეიკი, პოლიციარი
• ჯოშ პენსი დო ლიამ ნისონი — რა'ს ალ გული. პენსი ილაჸაფენს პერსონაჟის სცენეფსი, ნამუთ მომთხობელანა 30 წანაშ უკახალენ ისტორიეფს, ნისონი გემაჟირანს ბეტმენი: დაჭყაფურიშ როლს კამეოში.
• ნესტორ კარბონელი — ენტონი გარსია, გოთემიშ მერი
• მეთიუ მოდინი — პიტერ ფოლი
• ბრეტ კალენი — კონგრესმენი
• ალონ აბუტბული — დოქტორი ლეონიდ პაველი, რუსი ფიზიკოსი
• კილიან მერფი - ოშქურინაია

ტომ კონტის დო ჯოი კინგს ხოლო უღუნა როლეფი.

ლოს-ანჯელეს თაიმსწკჷმა მეჩამილ ინტერვიუშ კითხირს გინიღანდუო დო ვარი ბეტმენიშ მასუმა ფილმისჷნ, ნოლანქ გაცხადჷ, ნამდა წორი სიუჟეტიშ მიკორჩქინაშ მოხვალამას თინა გინიღანდ მასუმა სურათის, მორო ხოლო კითხირი დახუნუ მუსხი ჯგირი მასმა სერიაშ დოძახალა რდჷ შესალებერი. 2009 წანაშ სან-დიეგოშ ოერეფოშქაშე კომიკ-კონს დოჭიშაფას გერი ოლდმენქ დადასურჷ, ნამდა ნოლანი მასმა სერიას გინიღანდჷ დო ოეგებიეთ გინოღალეფი მუმალ წანას დიჭყაფუდჷ.

ნოლანქ თქუ, ნამდა მასმა სურათის რობინი ვეგმორჩქინდუდ. კრისტიან ბეილიქ გაცხადჷ, ნამდა თინა დიტენდჷ ფილმის, ეთი მოხვალამას თის რობინი გეგშარჩქინდუდჷ-და. ნოლანიშ ნარაგადით უარყოფით გერგეზი პინგვინი ვემუმალუდეს, თიშენ, ნამდა თიში არზით ძნელი იჸიდჷ ათე პერსონაჟიშ მოლება რეალური ბეტმენიშ ვერსიას, მუჭომსჷთ თინა იღენდჷნ. თიქ ხოლო ივარუ ფილმის მისტერ ფრიზიშ გუმორჩქინა.

ნოლანქ დადასურჷ, ნამდა მაართა ჟირი ფილმიშე ჯინჯიერი არტისტეფი დირთუნა მასუმა ფილმის მუში გერგეზეფიშ გასასახიერებელო. 2011 წანაშ 19 ღურთუთას Warner Bros.-იშე გოფაჩილი პრეს-რელიზიშ თახმო ენ ჰეთეუეი არსულენს სელინა კაილიშ, ტომ ჰარდი ბეინიშ როლს. ჰარდიწკჷმა ართო, ნოლანიშ წოხოლენი სურათის დაჭყაფურიშ ხოლო ართი მურიცხი, ჯოზეფ გორდონ-ლევიტი დო ჯუნო ტემპლი აკათეს არტისტეფიშ ბუნას. მალას სტუდიაქ ოფიციალურო დიძახუ ლევიტიშ როლი დო ხოლო გუმაცხადჷ, ნამდა ფილმის მარიონ კოტიარი ილაჸაფუდუნ. გორდონ–ლევიტი კომისარ გორდონწკჷმა მამუშე პოლიციარიშ ჯონ ბლეიკიშ როლს არსულენს, დო კოტიარი Wayne Enterprises–იშ დირექტორეფიშ სხუნუშ მაკათურს, მირანდა ტეიტის ლაჸაფენს.