უმა კარუნა თურმანი (Uma Karuna Thurman; დ.
29 პირელი, 1970) — ამერიკალი კინოარტისტი დო ფოტომოდელი. ამდღარშა რსულებური აფუ როლეფი შხვადოშხვა ჟანრიშ ფილმეფს, მუჭოთ რომანტიკული კომედიეფს, თეში დრამატულ დო ომენცარე-ფანტასტიკურ ფილმეფს დო სანწალესიუჟეტიან თრილერეფს თებული. თიში საუჯგუშო ფილმეფო იკოხოცხუ „ოშქურანჯი რსხუეფი“ (1988), „მაკულატურა“ (1994), „გატაკა“ (1997) დო ჟირი ფილმი სერიაშე „დოჸვილი ბილი“ (2003–04).
უმა თურმანი | |
დაბადებაშ ჯოხო | უმა კარუნა თურმანი |
დაბადებაშ აბანი | ბოსტონი |
დებადჷ | 29 პირელი, 1970 |
საქვარუა | არტისტი, მოდელი |
აკოქიმინჯალაშ წანეფი | 1987–ასეშა |
ალმასქუ(ეფი) | გერი ოლდმენი (1990-1992) ითან ჰოუკი (1998-2005) |
1980-იან წანეფს პროფესიონალი მოდელიშ კარიერაშ უკული 1988 წანას არტისტალა დიჭყჷ. თიში კარიერას შანულამი რდჷ ბეატრიქს კიდოშ როლი კვენტინ ტარანტინოშ ფილმეფს „დოჸვილი ბილი“. თურმანქ ათე ფილმის არსულჷ მოჭყუდუშ როლი, ნამუთ ნჯარს ეშეღანს თიში ჸოფილ ჸოროფილშე. ტარანტინოქ ათე პერსონაჟი სპეციალურო თურმანიშო ქიმინჷ. ათე პერსონაჟიშ ქიმინუაშ იდეა ჟირხოლოს ართო მურთესჷ „მაკულატურაშ“ გინოღალაშ ბორჯის. ფილმიშ გინოღალა თურმანიშ მოკათალაქ გახანგირძელჷ. გინოღალაქ 9 თუთას იგინძორჷ დო 5 ქიანას მიშჷ. თურმანქ ათე როლიშო იგურუ ოლჷმერი ხელუანუა დო იაპონური ნინა. „დოჸვილი ბილი“ საკულტო კლასიკათ გინირთჷ, კრიტიკოსეფქ თინა დადებითო აფასესჷ, თურმანქ მოჭყუდუშ როლიშო მიღჷ ორქოშ გლობუსიშ დო BAFTA-შ ნომინაციეფი.
წანა | მარგალურო | ოდაბადური ჯოხოდვალა | როლი | |
---|---|---|---|---|
1988 | ფ | ბარონ მიუნჰაუზენიშ დუდსგინალი | The Adventures of Baron Munchausen | ქალღმერთი ვენერა |
1988 | ფ | ოშქურანჯი რსხუეფი | Dangerous Liaisons | სესილ დე ვოლანჟი |
1994 | ფ | მაკულატურა | Pulp Fiction | მია უოლასი |
1997 | ფ | გატაკა | Gattaca | ირენ კასინი |
1999 | ფ | გემუანი დო გოჯოგელი | Sweet and Lowdown | ბლანში |
2003 | ფ | დოჸვილი ბილი, ტომი 1 | Kill Bill Volume 1 | პატარძალი |
2004 | ფ | დოჸვილი ბილი, ტომი 2 | Kill Bill Volume 2 | ბეატრიქს კიდო |
2013 | ფ | ნიმფომანი | Nymphomaniac | მისის ჰ. |
This article uses material from the Wikipedia მარგალური (Margaluri) article უმა თურმანი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.