რუანდაშ რესპუბლიკა (1991 წანაშახ — რუანდული რესპუბლიკა, ფრანგ.
République Rwandaise) — სახენწჷფო ბჟაეიოლ აფრიკას. რუანდას ბჟადალშე უხურგანს კონგოშ დემოკრატიული რესპუბლიკა, ოორუეშე - უგანდა, ბჟაეიოლშე - ტანზანია დო ობჟათეშე - ბურუნდი. ქიანას ქჷნდჷრამი აკანეფიშ სიბრელეშ გეშა მეტჯოხო უღუ ვითოში ქჷნდჷრიშ დიხა (ფრანგ. Pays des Mille Collines, კინიარუანდა - Igihugu cy’Imisozi Igihumbi). ქიანა მოსოფელს რჩქინელი რე 1994 წანას მოხვალამირი გენოციდიშ გეშა. ქიანაშ ნანანოღა - კიგალი.
რუანდაშ რესპუბლიკა | ||||||
---|---|---|---|---|---|---|
დევიზი: "Ubumwe, Umurimo, Gukunda Igihugu" "ართობა, ხანდა, პატრიოტიზმი" | ||||||
ჰიმნი: Rwanda nziza სკვამი რუანდა | ||||||
ნანანოღა (დო უკაბეტაში ნოღა) | კიგალი / | |||||
ოფიციალური ნინა(ეფი) | კინიარუანდა, ფრანგული, ინგლისური | |||||
თარობა | გვერდო საპრეზიდენტო კონსტიტუციური რესპუბლიკა | |||||
- | პრეზიდენტი | პოლ კაგამე | ||||
- | პრემიერ-მინისტრი | ანასტას მურეკეზი | ||||
ფართობი | ||||||
- | გვალო | 26,338 კმ2 (145-ა) | ||||
- | წყარი (%) | 5,3 | ||||
მახორობა | ||||||
- | 2015 ფასებათ | 11,262,564 (77-ა) | ||||
- | census | 10,515,973 | ||||
- | მეჭედალა | 445 ად/კმ2 (29-ა) | ||||
ედპ (ჸუპ) | 2015 ფასებათ | |||||
- | გვალო | $20.343 მილიარდი | ||||
- | ართ მახორუშე | $1,784 | ||||
აგი (2013) | 0.506 (დაბალი) (151-ა) | |||||
ვალუტა | რუანდული ფრანკი (RWF ) | |||||
ბორჯიშ ორტყაფუ | (UTC +2სთ.) | |||||
- | ზარხულიშ (DST) | (UTC +2სთ.) (UTC) | ||||
ქიანაშ კოდი | RWA | |||||
Internet TLD | .rw | |||||
ოტელეფონე კოდი | +250 |
რუანდა იდვალუაფუ აფრიკაშ ცენტრის, ეკვატორშე არხოს ობჟათეჸურე. ბჟადალშე მახურგე კონგოშ დემოკრატიულ რესპუბლიკაწკჷმა იდვალუაფუ კივუშ ტობა დო წყარმალუ რუზიზი, ნამუთ ბჟაეიოლი აფრიკაშ აკოცჷმაშ ღოზიშ ნორთი რე. ქიანაშ ცენტრის იდვალუაფუ თიში ნანანოღა — კიგალი.
რუანდაშ რელიეფი თარო აკმოდირთუ ოშქაშე სიმაღალაშ გეფით, ბჟადალი ხურგას სიმაღალე უცმას ელმურს კივუშ ტობაშ დო წყარმალუ რუზიზიშ წყარპიჯეფშა, ბჟაეიოლშე ჭიეჭიეთ იკუნტარებუ ტანზანიაშ მალობათ, სოდეთ თარო იდვალუაფუ დოლოეფი დო ჭყენჭყეფი. რუანდას იდვალუაფუ წყარმალუ ნილოსიშ კანკალე ნადუ.
წყარმალუ ნილოსიშ დო კონგოშ ღანჩოეფი რუანდაშ ტერიტორიას ხოლო რე. არძოშე დიდი ტობა რე — კივუშ ტობა, ნამუთ აფრიკაშ აკა ტობა რე, სოდეთ ვა ხე ნიანგეფი. ქიანაშ ობჟათეშე დო ბჟაეიოლშე რსებენს მორჩილი ტობეფიშ ბუნა (თექ ნიანგეფი ხე).
კლიმატი — სუბეკვატორული, ზუღაშ დონეშე შანულამი სიმაღალაშ გეშა სეზონურო ლამე დო ქექე რე. კიგალსა (1550 მეტრ სიმაღალას) თუთაშ ოშქაშე ტემპერატურა ედომუშამი წანაშ გოძვენას აკმადგინანს 17-21 °C-ს. ნოლექეფი დოხოლაფირო 1000—1500 მმ რე წანმოწანას. სქირე სეზონი — მანგიშე ეკენიაშამო.
ჩანარობა — თარო სავანა, გვალეფიშ კართეფს ლამე ტროპიკული ტყალეფი.
ჩხოლარეფიშ ორენი დახე მოჯალაგერი რე. არძოშე დიდი ჩხოლარეფი (ანტილოპეფი, კამბეშეფი, ხვალოქა, ზებრეფი, ნჯილოეფი, მუნჭყვეფი, ბეჰემოთეფი, ნიანგეფი, გორილეფი) ასქილადირი რე ხვალე ტყაჩირეფს.
ათე სტატია მერკე რე. თქვა შეგილებუნა ქიმეხვარათ ვიკიპედიას დო გაგშათინათ დო გახვეიანათინ. |
This article uses material from the Wikipedia მარგალური (Margaluri) article რუანდა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.