მოზაფარ ალ-დინ შაჰ ყაჯარი (სპარს.
Mozafar Ŝāhe Qājār; დ. 23 მელახი, 1853 — ღ. 3 ღურთუთა, 1907) — ირანიშ მახუთა შაჰი ყაჯარეფიშ დინასტიაშე, 1896-1907 წანეფს. მუჰამედ-შაჰ ყაჯარიშ მონძე, ნასერ ალ-დინ შაჰიშ ქომოლსქუა.
მოზაფარ ალ-დინ შაჰი | |
სპარს. مظفرالدين شاه قاجار | |
ირანიშ 31-ა შაჰი | |
დუდალ. დაჭყაფუ: | 1 მესი, 1896 |
---|---|
დუდალ. დათებუ: | 3 ღურთუთა, 1907 |
წიმოხონი: | ნასერ ალ-დინ შაჰი |
მონძე: | მუჰამედ ალი შაჰი |
დაბ. თარიღი: | 23 მელახი, 1853 |
დაბ. აბანი: | თეირანი, ირანი |
ღურ. თარიღი: | ღურთუთა 3, 1907 (53 წანერი) |
ღურ. აბანი: | თეირანი, ირანი |
ალმასქუ: | პრინცესა შოკუჰ-ოლ-სალთანეჰი |
სქუალეფი: | 6 ქომოლსკუა დო 8 ცირასკუა |
ედომუშამი ჯოხო: | მოზაფარ ალ-დინ შაჰი |
დინასტია: | ყაჯარი |
მუმა: | ნასერ ალ-დინ შაჰი |
რელიგია: | ისლამი, შიიტური გეჸვენჯობაშ |
ხეშმოჭარუა: |
მოზაფარ ალ-დინ შაჰ ყაჯარქ დებადჷ 1853 წანას, თეირანს, მუმამუშიშ, ნასერ ალ-დინ შაჰიშ მართუალაშ პერიოდის.
1861 წანას, 8 წანაშ ხანს, მუმამუშიქ მოზაფარ ალ-დინ შაჰ ყაჯარი აზერბაიჯანიშ ოორუე პროვინციაშა მიდეჸონჷ, თე პროვინციაშ მამართვალო დო მართუალშ ჯგირი გუმორსილებაშ მიოღებელო. თიქ აზერბაიჯანს, სოიშახ ხვისტაშა ეშულაშ ბედინერობა აღვენუდჷნ, 35 წანა გატარჷ. თე პერიოდის თის ნასერ ალ-დინ შაჰწკჷმა ფარსაკი ურთიართობა ვა უღუდჷ. თიქ ხვისტა დეკინჷ 1896 წანაშ 1 მესის, მუმაშ ღურაშ უკული.
თიშ ხვისტაშა ეშულაშ ბორჯის, ირანს ფინანსური კრიზისი უღუდჷ. წანმოწანური ხარჯეფი, ძალამ გინმანჭუდჷ ხაზინაშ მიშნაველს, თიშენ ნამჷ-და, თიშ წიმოხონს რუსეთიშე დო ინგლისიშე ვალეფი აფუდჷ ეჭოფილი. ზუსტას თეშ გეშა, მოზაფარ ალ-დინ შაჰ ყაჯარს თინა ხოლო ვეშულებუდჷ, ნამჷ-და ხაზინაშ რეფორმა გუტარებუდკონ დო აძვილებურქ იჸუ, რუსეთწკჷმა პოლიტიკურ დოთმებაშა მიდურთუმუდკონ, ირანიშ ვალიშ ეიოქექებელო.
1906 წანას, თიქ აკოქიმინჷ "ერუანული საკონსულტაციო ანსამბლეა", მუსჷთ კათაშ დო მაღალი წოდებაშ პიჯეფიშ პროტესტიქ მაჸუნ. "ერუანული საკონსლუტაციო ანსამბლეაშ" მეღებაშ უკული, მოზაფარ ალ-დინ შაჰიქ, ძალამ გოხურგუ შაჰიშ ნძალა დო დიდ ნებეფქ გინაჩჷ პარლამენტის. ზუსტას თექ გიმიწუ კათაშ პროტესტი დო ეჯანყჷ მოზაფარ ალ-დინ შაჰიშ კარიშ სააწმარენჯოთ.
მოზაფარ ალ-დინ შაჰიქ დოღურჷ 1907 წანაშ 3 ღურთუთას, გურიშ მენტიებათ.
მოზაფარ ალ-დინ შაჰ ყაჯარს ჸუნდჷ 6 ქომოლსქუა დო 8 ცირასქუა. თიშ ღურაშ უკული, შაჰიშ ხვისტა დეკინჷ თიშ 1-ა ქომოლსქუაქ, მუჰამედ ალი მირზაქ (მუჰამედ ალი შაჰი).
This article uses material from the Wikipedia მარგალური (Margaluri) article მოზაფარ ალ-დინ შაჰი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.