მობილური ტელეფონი

მონწყილობა თეს ფიჭური რსხუშ საშუალებათ აკეთენს, მუსჷთ მობილური ტელეფონიშ ოპერატორი უნარღელჸოფენ. თეშ სააწმარენჯოთ, არსებენს რადიოტელეფონი, ნამუთ ხვალე კუნტა გოძვენას, დორხველური საბაზო დგჷმილიშ გოხოლუას ქიმინჯენს.

სატელეფონო ფუნქციაშ მოხ, თეხანურ მობილურ ტელეფონეფს შხვა მიარე სერვისიშ აზარა ხოლო უღუ, თინეფს შქასი რე კუნტა ტექსტური მოშინაფეფი, მულტიმედიური მოშინაფეფი (MMS), ელექტრონული ფოსტა, ინტერნეტწკჷმა მეჭირინაფა, არხო გოძვენაშ უკაბელო კომუნიკაციეფი (infrared, Bluetooth), ბიზნეს აპლიკაციეფი, ლაჸაფეფი დოა ფოტოგრაფია. მობილურ ტელეფონეფს, ნამუეფსჷთ თე დო შხვა ზოგადი კომპიუტერული შელუამობეფი უღუნ, სმარტფონი ჯოხო.

მაართა ხეთ გილაღალარი ტელეფონი 1973 წანას კომპანია მოტოროლაშ წორომახანდეეფქ, ჯონ ფრენსის მიტჩელქ დო დოქტორ მარტინ კუპერქ წჷმარინეს. თინეფქ აკოქიმინეს მონწყილობა, ნამუთ 2 კილოგრამს იწონუდჷ. 1983 წანას, გეგშართჷ მაართა კომერციული მობილური Motorola DynaTAC-ქ. 1983-შე 2014 წანაშახ, მობილური ტელეფონეფიშ მუდანობაქ ნულშე 7 მილიარდშახ მიძინუ; პროპორციულო 100%-ით იკათუ მოსოფელიშ მახორობა დო ეკონომიკური პირამიდაშ ქვინჯშახ გეგმორთჷ. 2014 წანაშო, მობილური ტელეფონეფიშ წჷმიულირი მაწარმალეფი რდეს Samsung, Nokia, Apple დო LG.

• მობილურეფიშ დიდი ოდისეა Archived 2012-04-24 ვებ-ხასჷლას Wayback Machine.
• მობილური დო ჯანთელობა Archived 2011-06-28 ვებ-ხასჷლას Wayback Machine.
• Mobile Phone Buying Guide Archived 2011-02-19 ვებ-ხასჷლას Wayback Machine.
• Worldtimezone.com
• ITU.int ITU.int Archived 2010-07-28 ვებ-ხასჷლას Wayback Machine.
• GSMworld.com
• Cell Phone, the ring heard around the world—a video documentary by the Canadian Broadcasting Corporation