მელა

? მელა
მენცარული კლასიფიკაცია
ომაფე: ჩხოლარეფი ტიპი: ქორდიანეფი გიმენტიპი: გაგაჩამეფი კლასი: ბჟაშუმუეფი რანწკი: მახვამილაფარეფი ფანია: ჯოღორიშობურეფი გვარი: მელა
ლათინური ჯოხო
Vulpes
გვარობეფი
Vulpes bengalensis Vulpes cana Vulpes chama კორსაკი (Vulpes corsac) Vulpes ferrilata Vulpes macrotis Vulpes pallida Vulpes rueppelli Vulpes velox ჭითა მელა (Vulpes vulpes) ფენეკი (Vulpes zerda)
თხილუაშ სტატუსი
სურათეფი ვიკიოწკარუეს

მელა (ლათ. Vulpes) — მახვამილაფარლი ბჟაშუმუეფიშ გვარიშ ჩხოლარი ჯოღორიშობურეფიშ ფანიაშე. გოფაჩილი რე ირდიხას ანტარქტიდაშ მოხ. ავსტრალიაშა მიშაჸონაფილი რე. გვარს 6 გვარობა რე. რჩქვანელობური მელა (Vulpes vulpes) ტანო არძაშე დიდი რე. საქორთუოს მუთმოფხვადჷნა რჩქვანელობური მელაშ 3 გვარობა. ობჟათე რასეფი უმოსი ღილე ფერიშ რე, მუთმოფხვადჷნა ედომუშამო ჩე (ალბინოსეფი) ვარდა უჩა ინდივიდეფი (მელანისტეფი). გიშაკერძაფილო მიარემუდანობათ ხე ველეფს დო ტიოზეფს. თაშნეშე ხე ტყას დო შხვა აბანეფს. მითორე ომანეს, ნამუსჷთ მუ თხორუნს, კანკალეშა მუნჩქვიშ ვარდა შხვა ჩხოლარიშ ომანეს კებულენს. გჷმირინუანს ორთაშობურ ბინას — ფოქვეფს, კირდეშ ფარაქას, ეკორთელი ჯალეფიშ ქოქეფს დო შხვა აბანეფს. აქტიური რე დღაშით დო სერით. თოლს ელაზჷმაფათ ორკჷ, რჩქილა დო შურაფა — ჯგირი. გიშეგორუაფუ სირთხილათ დო მოხუჯურობათ. ჭკომუნს მუჭოთ ჩხოლარულ, თეშ ჩანარულ ოჭკომალს, თარო ჭუკიშნერ მაღირღინალეფს. წანმოწანაშე ართშა იმიარებუ. ხანს 3-12 ლაკვის, ნამუეფსჷთ 1,5 თუთას ბჟას არზენს. სქესობუროი მოწიფური რე 10-11 თუთაშ ხანს. ტყვეობას 15-20 წანას თელარენს, ორთას — მუსხირენ წანას. მელა რეწუაშ შანულამი ობიექტი რე (გიმირინუანა ბოწოწის). სარგებელი მოუღუ მანებელი მაღირღონალეფიშ მოჯილიკუათ.

• ავალიანი რ., ქორთული სხუნუეფიშ ენციკლოპედია, ტ. 6, ხს. 554, ქართი, 1983 წანა.

თე სტატია ზოოლოგიაშენი დიოდღარო მერკე რე. თქვა შეგილებუნა ქუმმეხვარათ დო აკაფშათ თინა.