მარტინუს ვილემ ბეიერინკი (ნიდ.
16 მელახი, 1851 — ღ. 1 ღურთუთა, 1931) — ნიდერლანდარი მიკრობიოლოგი დო ბოტანიკოსი, ვირუსოლოგიაშ ართ-ართი დუმარსხუაფალი. ბეიერინკი რდჷ ართ-ართი მაართა მენცარი ნამუქჷთ დადგინჷ ნამდა ვირუსეფს რეპროდუქცია შეულებუნა. თიქ, თაშნეშე მიოგორუ დიხაშ ახალი ტიპიშ ბაქტერიას, 1888 წანას აკეთჷ ბაქტერია Bacillus radicicola-შ იზოლაცია, გიმირკვიუ აზოტბაქტერეფი, დენიტრიფიკაციული ბაქტერიეფი, აზოტური ფიქსაცია, თუთუმიშ მოზაიკური ვირუსი. ბეიერინკიქ 1898 წანას გჷმაბჟინუ ომენცარე სტატია, სოდეთ ანტკიცენდჷ ნამდა თუთუმიშ მოზაიკური ვირუსიშ ბაძაძი რდჷ ინფექციური აგენტი, ნამუთ ზომათ ბაქტერიაშე უმოს ჭიჭე რდჷ. თიქ ჸათე პათოგენს ვირუსი გიოდჷ.
მარტინუს ბეიერინკი | |
ნიდ. Martinus Beijerinck | |
დაბადებაშ თარიღი: | |
---|---|
დაბადებაშ აბანი: | |
ღურაშ თარიღი: | ღურთუთა 1, 1931 (79 წანერი) |
ღურაშ აბანი: | გორსელი, ნიდერლანდეფი |
მენოღალობა: | |
ომენცარე სფერო: | |
სამუშაშ აბანი : | ვაგენინგენიშ უნივერსიტეტი |
ალმა-მატერი: | ლეიდენიშ უნივერსიტეტი |
ჩინებული რე მუჭოთ: | ვირუსოლოგიაშ ართ-ართი დუმარსხუაფალი |
ჯილდოეფი დო პრემიეფი: | ლევენჰუკიშ მენდალი (1905) |
ბეიერინკიშ რკვიებეფი თაშნეშე ორხველუდჷ ფერმანტაციაშ პროცესის.
დებადჷ ნოღა ამსტერდამს. გურაფულენდჷ ბიოლოგიას დელფტიშ ტექნიკურ სკოლას, ნამუთ 1872 წანას გათუ. უკულ გურაფა გაგინძორჷ ლეიდენიშ უნივერსიტეტის, სოდეთ თხილუ ოდოქტორე დისერტაცია 1878 წანას. გურაფაშ თებაშ უკული მუშენდჷ ვაგენინგენიშ აგრარულ სკოლას (ასეიანი ვაგენინგენიშ უნივერსიტეტი). 1895 წანაშე რდჷ ლექტორი დელფტიშ პოლიტექნიკური ინსტიტუტის. ჸათაქ თიქ დარსხუ მიკრობიოლოგიაშ სკოლა. ბეიერინკიქ მიშეღჷ დიდი თია აგრარული დო ინდუსტრიული მიკრობიოლოგიაშ გოვითარაფაშა. ბეიერინკი, მუში ომენცარე კარიერაშ გოძვენას, დღას ვაჸოფე რობერტ კოხი დო ლუი პასტერიცალი შინელი მენცარი, მუშენდა თიში ინტერესეფიშ სფერო ადამიერიშ ლახარეფი ვარდჷ.
ბეიერინკიქ 1905 წანას მიპალუ ლევენჰუკიშ მენდალი, 1926 წანაშე რდჷ ლონდონიშ ომაფე ჯარალუაშ მაკათური. თიში ჯოხონობაშ რე ნიდერლანდეფიშ ხელუანობეფიშ დო მენცარობეფიშ ომაფე აკადემიაშ ვირუსოლოგიაშ პრემია.
This article uses material from the Wikipedia მარგალური (Margaluri) article მარტინუს ბეიერინკი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.