კომპიუტერი
კომპიუტერი (ინგლ.
თენა რე ელექტრონული გჷშმაკოროცხალი მანქანა, ნამუშ ჯინჯიერი დოშანულობა ინფორმაციაშ ნჭაფიერო დამუშება რე; კომპიუტერი, თეშნეშიშე მუჭოთ არძონერი მანქანა, ადამიერიშ ნება-კორინს, ზოჯუას ომორჩილჷ. კერძოთ, თინა მუშენს ადამიერიშხეშე ოწმახუშე აკოდგჷმილი პროგრამაშ მეჯინათ. დამუშებული ინფორმაციაქ ბრელნერქ შილებე იჸუას — რიცხუეფი, ტექსტი, გჷმოსახულაფა ვარა ხონარი.
კომპიუტერიშ მეშანილობა დასაბაღო ბრელნერქ შილებე იჸუასჷნ. ფაქტობურო, თენეფიე უნივერსალური ინფორმაციაშ გინმამუშებელი მანქანეფი. თეხანური ელექტრონული კომპიუტერეფს ინფორმაციაშ გინომუშებაშ ქვერსემი სინჭაფირე დო მეშქაშალეფი უღუ ორდოამი მინუშეფწკჷმა ალაზიმაფათ, დო თინეფი ირწანურო უმოსო დო უმოსო ძალიერო გინმირთუნა.
კომპიუტერი მუზმარენერი ფიზიკური ფორმათ არსებენს. დოჭყაფუ კომპიუტერეფი დიდი ოთახუშ ზჷმაშ რდეს. თეცალი კომპიუტერეფი ამდღა ხოლო არსებენა სპეციალიზებულ ომენცარე გიმოკოროცხებუშო; თინეფს სუპერკომპიუტერეფს უძახჷნა. მორჩილ კომპიუტერეფს პირადი გჷმორინაფაშო პერსონალური კომპიუტერეფს უძახჷნა, დო თინეფიშ პორტაბელური ექვივალენტის ხოლო ნოუთბუქ კომპიუტერეფს (ვარა ლეპტოპის პოპულარულ ხვარებას); თე კომპიუტერეფი რინაშ დახე არძა ოფირჩას აკმოფხვადუნა, მუჭოთ ინფორმაციაშ დამუშებაშ დო კომუნიკაციაშ მეშქაშალა დო, მუჭოთ წესი, ვა-ექსპერტეფიშ უმენტაშობა თინო თინეფს უძახჷ „კომპიუტერს“. მარა, კომპიუტერიშ არძაშე უმოს გოფაჩილი ფორმა ამდღანერიშო თ.გ. აშაკიდილი კომპიუტერიე — მორჩილი ზჷმაშ კომპიუტერეფი, ნამუეფიშ ღანკი შხვა მუდგარენი ხენწყილობაშ დუდობა ვარა კონტროლიე. მუშითფურინჯეფშე დოჭყაფილი მოჸოროფულეფიშ ციფრული ფოტოკამერათ თებული არძა ათეშნერი ხენწყილობა თინეფს აშაკიდილი კომპიუტერით იდუდუაფუ.
This article uses material from the Wikipedia მარგალური (Margaluri) article კომპიუტერი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.