სისტემატიკავიკინერობეფს
კოლხური ქილორი | ||||||
---|---|---|---|---|---|---|
მენცარული კლასიფიკაცია | ||||||
| ||||||
ლათინური ჯოხო | ||||||
Phasianus colchicus | ||||||
თხილუაშ სტატუსი | ||||||
კოლხური ქილორი (Phasianus colchicus),(Phasis — წყ. რიონიშ ჯვ. ჯოხოდვალაშე), მაფურინჯე ქოთომიშობურეფიშ რანწკიშე. მუმულიშ მასა 1600 გ ოჭირინდუანს, დადულიშ — 800 გ. უღუნა ჯგირაშო გოვითარაფილი კუჩხეფი, კუნტა მოკვარკვალებური ფსუალეფი, გჷნძე ბოლო (გჷშაკერზაფილო მუმულს). მუმულს გალოს მოხამუზეფი უღჷ დო ძალამ სქვამი, კვათირ ფერით გჷშმეგორუ. ეჭარილი რე კოლხური ქილორიშ მიარე გიმენბუნა, ნამუეფშეთ ჸოფილ სსრრ-იშ ხურგეფს აფხვადუნა 13. კოლხური ქილორი ხე უთირე ვარა მორჩილ თირამ ლიბჷ კლიმატამ ზოლს პალეარქტიკაშ ობჟათე ნორთის. აკლიმატიზაფირ რე მოსოფელშ მიარე ქიანას. საქორთუოს წოხოლე მოდვალირი ჸოფე კოლხეთიშ რზენს, მტკვარიშ, იორიშ დო ალაზანიშ ჭალეეფს. ბრელ აბანს კჷნე ინტენსიურო იმიარებუ. ხე ჭალეშ ტყალეფს, ჩანარეფით დიდარ წყარონტირუეფიშ ოძგალე რზენეფს, ზუღაშ დონეშე 850 მ-შახ. ოგვაჯეს გიკეთენს ხუმლა ფურცელეფით დო ოდიარეთ დიხაშ ჭიჭე დურეშა. დვანს 8-12, ნამთინეშა 18 მარქვალს. ოგვაჯეს გეხე ხვალე დადული. გლახათ გილაფურინუნს. ოშქურანჯობაშ შვანას მითმინტებუ. ეთმიჯუმუაფუ ჯინჯიერო ჩანარეფით, უმოსო ჟვერიეფიშ თასით, ნაჸოფით, ვეგეტატიური ნორთეფით, თაშნეშე ჭიი-ჭიე ვალარეფით. მორგე მაფურინჯე რე.
This article uses material from the Wikipedia მარგალური (Margaluri) article კოლხური ქილორი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.