ზოგადი ინფორმაცია
თე ხასჷლა ვიკიპედიაშ ოფიციალური პოლიტიკაშ ნორთის წჷმარინუანს. თეშ გეშა პიჯალა რე რედაქტორეფს შქას დო თინა იკოროცხუ სტანდარტო, ნამუსჷთ არძა მახვარებუქ გიაჸუნას ოკო. თე ხასჷლაშ რედაქტირაფაშ ბორჯის გითოლწონეთ, ნამჷ-და თქვან თირაფეფქ ვაკარღვას ოკო კონსენსუსი. შანულამი თირუეფი ქინახუნეთ სხუნუაშ ხასჷლას.
ზოგადი ინფორმაცია
ვიკიპედიაშ ადმინისტრატორიშ ლოგო ვიკი-პროგრამა ირი მახვარებუს მიარზიენს ხასჷლაშ რედაქტირაფაშ, ფაილიშ ეხარგუაშ დო შხვა ღვენეფს. ადმინისტრატორიშ სტატუსიშ მეჩამაშ ნება უღჷნა ვიკიპედიაშ ბიუროკრატეფს. ადმინისტრატორეფი ვა რენა ომახვარებე პროგრამა ვიკიპედიაშ მემარზიებელიშ წჷმმარინაფალეფი ვარ-და წორომოხანდეეფი. თინეფს ვაუღჷნა პრივილეგიური დგომარობა შხვა მახვარებუეფწკჷმა. ადმინისტრატორეფს დო შხვა მახვარებუეფს ხონარეფიშ წორწო მუდანობა უღჷნა. ადმინისტრატორეფი რენა ვიკიპედიარეფი, ნამუეფსჷთ უღჷნა ნებეფი დო გამამინჯალეფი (sysop rights), ნამუეფსჷთ ორხველჷ: ხასჷლაშ ლასუა; ლასირი ხასჷლაშ დორთინა/აკოდგინუა; ხასჷლეფიშ თხილუა თიშა თირაფეფიშ მიშაღალაშე. თე ქიმინჯალა გჷმირინუაფუ, სამანგათ, ოსხუნალი სტატიეფს, თიშ გეშა ნამჷ-და, მანირზე განეფს ქიმიაჩას კომპრომისულ გინოჭყვიდირშა მეულაშ საშველი დო ნამჷ—და გაჩემებულქ იჸუას ვანდალიზმიქჷნ; ჯოხოეფიშ ოფირჩაშ მედიავიკიშ (MediaWiki) რედაქტირაფა; თი მახვარებუეფიშ IP მიოწურაფუეფიშ ბლოკირაფა, ნამუეფით ოწიუნა ვანდალიზმის ვარ-და ვადმაჸუნჷნა ვიკიპედიაშ ხუთ დოჩინას.
ვიკიშ პროგრამულ პაკეტის მუსხირენი გოხურგელი ფუნქცია უღჷ. თინეფს შქას ადმინისტრატორს შეულებუ:
ირნერი ხასჷლაშ ლასუა ვარ-და კჷნ აკოდგინუა/დორთინაფა (ქძ. ვპ:ლასუა); ირნერი ხასჷლაშ თხილუა ვარ-და თხილუაშ მონწყუმა, ედომუშამო თხილერი ხასჷლეფიშ რედაქტირაფა (ქძ. ვპ:თხილუა); მახვარებუეფიშ ვარ-და IP-მიოწურაფუეფიშ ბლოკუა ვარ-და ბლოკიშ მონწყუმა (ქძ. ვპ:ბლოკი); „მედიავიკიშ“ ჯოხოეფიშ ოფირჩაშ (ინგლ.) დო მახვარებუშ პიჯული კონფიგურაციაშ რედაქტირაფა;ფაილეფშო ჯოხოეფიშ გჷნოთირუა; ბიწორი გოუქვაფა ანუ ხასჷლეფიშ კინოხიანი ვერსიაშა უწაია დორთინაფა. კომენტარი
ადმინისტრატორეფს ნება უღჷნა საარბიტრაჟე კომიტეტიშ გინოჭყვიდირეფიშ ნებაშ ჸოფა.
ქოძირით: ვიკიპედია:არბიტრაჟიშ მოთხირი
დო ქოკოროცხჷნთ, ნამჷ-და ადმინისტრატორქ უსამარათლეთ ქემგექციეს თქვა ვარდა ირნერი შხვა რედაქტორს-და, დუდმაართაშე თქვანი მოარზაფა დიო პიჯულო თე ადმინისტრატორწკჷმა გჷმოთქუათ ოკო დო ქეცადათ პრობლემა რზიებათ გეგნოჭკირათჷნ. დო ოკითხირიშ გინოჭკირუა ჟირ განეფს შქას აკორაგადაფათ ვემიხუჯინ-და, ქჷმიარსხუათ ოკო ვიკიპედიაშ საარბიტრაჟე კომისიას.
This article uses material from the Wikipedia მარგალური (Margaluri) article ვიკიპედია:ადმინისტრატორეფი , which is released under the Creative Commons Attribution-ShareAlike 3.0 license ("CC BY-SA 3.0") ; additional terms may apply (view authors ). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0 . Images, videos and audio are available under their respective licenses. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.
