დღა-სერი, დიხაუჩაშ ლირული რთაფაშ პერიოდი;ბორჯიშ ართ-ართი ჯინჯიერი ოზჷმალი ართური.
გჷმირთუ მურიცხიერი დღა-სერი — აფუნს ბუნიობაშ ჭურჭულიშ მეხჷ დიხაუჩაშ რთაფაშ პერიოდი დო ბჟაშიერი დღა-სერი. მურიცხიელი დღა-სერიშ დოჭყაფუთ იკოროცხუ აფუნიშ ბუნიობაშ ჭურჭულიშ ჟინი კულმინაციაშ მომენტი (კულმინაცია ცაშ რსხულიშ), ხანგინძარაფათ — თე ჭურჭულიშ ჟირი ალმაჸვენჯური ჟინი კულმინაციაშ შქას ბორჯიშ შქაშონი. თიშ მეჯინათ, თახმი აფუნიშ ბუნიობაშ ჭურჭულს ქოძირჷნა, დო ვარ ოშქარსჷნ (მაართა შვანც ითოლწონენს პრეცესიაშ დო ნუტაციაშ გოლინას, მაჟირას — ხვაბჟაშირი დღა-სერს (თახმი ბჟაში ჟირი ალმაჸვენჯური ჟინი კულმინაციაშ შქას ბორჯიშ შქაშონი), მუდგაშ დოჭყაფუთ იკოროცხუ თახმი ბჟაშ დისკოშ ცენტრიშ გიმენი კულმინაციაშ მომენტი — თახმი შქასერი, დო ოშქაშე ბჟაშიერი დღა-სერს (ოშქაშე ბჟაშ ანალოგიური კულმინაციეფიშ შქას ბორჯიშ შქაშონი; თიშ დოჭყაფუთ იკოროცხუ ოშქაშე ბჟაში გიმენი კულმინაციაშ მომენტი — ოშქაშე შქასერი). მურიცხიელი დო ოშქაშე ბჟაშიერი დღა-სერი ირთუ სათეფო (24 სთ), წუნეფო (1440 წნ) დო მერქეფო (86400 მრ). მურიცხიელი დღა-სერიშ ართური (დღა-სერი, წუნი ვარა მერქა) ოშქაშე ბჟაშიერი დღა-სერიშ 0,9972696 ართულს ომანგჷ. თახმი დო ოშქაშე ბჟაშიერი დღა-სერეფიშ ხანგინძარობეფიშ გინორთი წანაშ გოძვენას ითირუ მაართა თინეფშეიანიშ თირონობაშ გეშა (ქოძირით ოშქაშე ბჟაშიერი ბორჯი). თე ხანგინძარობეფი ართიანშა მერსხილიე ბორჯიშ თინაფათ.
This article uses material from the Wikipedia მარგალური (Margaluri) article დღა-სერი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.