გიოშქუმალარი მიოგამალეფი — მუსიკალური მიოგამალეფი, ნამუეფსჷთ ხეშ, კეტიშ ვარდა ბურთიშობური, დუდს ქეჩაგჷნოკირილი ჟირი შხუ ჯაშ მათირეობათ ვარდა ართბორჯულო მეგამათ ოსიმაფუანა.
აკეთენა ქუაშ, დიხაჭაბუშ, ჯაშ, ტყებიშ, ბრინჯაოშ, ლინჯიშ დო ვარჩხილიშ მასალაშე. გიოშქუმალარი მიოგამალეფი ჟირნერი რე: გორკვიაფილი სიმაღალაშ სიმსიშ მაღვენი — ტიმპანეფი, ზარეფი, ქსილოფონი, ფლექსატონი, ტუბაფონი, ვიბრაფონი — დო მიოგამალეფი, ნამუეფსჷთ გორკვიაფილი სილაღალაშ სიმსი ვაუღჷნა — დაფი, დაფდაფი, თეფშეფი, ტამტამი, გონგი, სუმკუნთხუ, კასტანეტეფი, მარიმბა, დიპლიპიტო, დაირა დო დოლი. გიოშქუმალარი მიოგამალეფიშ უმენტაშობა საანსამბლო რე, გჷმირინუანა სიმფონიურ ორკესტრეფსჷთ. პარტიტურას იჭარუ ლინჯიშ მიოგამალეფს დო არფაშ შქას. საქორთუოს ჯვეშითჯვეშიშე გოფაჩილი რდჷ ბობღანი (დაფდაფი), დაირა (დაფი), დიპლიპიტო, დოლი, დუმბული, ლინი, სპილენძჭური, ტაბლაკი, ქოსი, წინწილა დო შხვა. ასე გოფაჩილი რე დაირა, დოლი, დიპლიპიტო. თე მიოგამალეფს უმენტაშო სხაპუეფიშ ოაკომპანემენტეთ გჷმირინუანა. გიოშქუმალარ მიოგამალეფს რიტმულ მიოგამალეფით უჯოხონა; თინეფიშ თარი დოშანაფა რე მუსიკალური ნაწარმეფიშ მეტრ-რიტმიშ გაკვანთირება, შხვადოშხვანერო წჷმორინაფა რე.
This article uses material from the Wikipedia მარგალური (Margaluri) article გიოშქუმალარი მიოგამალეფი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.