გერგობა — ქირსიანული წიმინდანიშ, გერგი კაპადოკიარიშ ჯოხოდვალაშ დღალობა.
ოხვამერი კალენდარიშ მეჯინათ, ეიშანუაფუ 23 პირელს (ახ. სტილით 6 მესი) დო 10 გერგობათუთას (ახ. სტილით 23 გერგობათუთა). ოკათური გერგობა შხვადოშხვა აბანს შხვადოშხვა ჯოხოდვალათ იტარებუაფუდჷ: ქართლის — გერისთობა, უსანეთობა, ატოცობა; კახეთის — ალავერდობა, ჩე გერგობა; სამარგალოს — ილორობა დო შხვა.
გერგობა | |
---|---|
წიმინდე გერგი | |
ტიპი | ქირსიანული |
შხვანერო | გერგობა |
შანულობა | წიმინდანიშ დღახუ |
იშინუანა | ქორთუ ქირსიანი მართლმადიდებელეფი |
თარიღი | 23 პირელს (ახ. სტილით 6 მესი) დო 10 გერგობათუთას (ახ. სტილით 23 გერგობათუთა) |
ზეიმობა | ტრადიციული ღორონთიშნინალა წიმინდე გერგიშ პატიოცემელო |
საქორთუოს არსებენდჷ წიმინდე გერგიშ ჯოხოდვალაშ 363 ოხიდა დო გიმახვამალი (ლეგენდაშ მეჯინათ, წმ. გერგიშ ღურაშ უკული ღორონთქ თიში რსხული დორთუ დო ქიანას აკოფაჩჷ. ირდიხას, სოდე თიშ ნორთეფქ მოხვადუნ, გიმახვამალეფი დაწესეს).
კახეთის 14 მარაშინათუთას ინწყუაფუდჷ აწყურიშ ჩე გერგიშ ოხვამე დღალობა: კათა სუმშა დო შკვითშა მუკულუანდჷ გოლუანს, ბუნა დიდებას ღურჭულანდჷ. ოხვამეშ ოზეს სხაპუნდეს ჩეთ მონწყილი „ხატიშ ჭკორეფი“. კანკალე ხატიშ ურემეფს დო მონკა ჯაჭვით დოხარგელი ჩოქუათ მულუანდჷ ოხიდას დო კირდეს ერზამილჷ სანთელს მიკმაჭაბანდჷ. კარიშ მინალწკჷმა გითმინჯირუდჷ „ხატიშ ჭკორი“, ნამუსჷთ არძა მინმაულარი კუჩხის გითმიობიჯგუანდჷ. წირუაშ უკული იჸვილუაფუდჷ შინაწირა ჩხოლარი, მაფურინჯე, ინწყუაფუდჷ შუმა-ჭკომუა, ნამუთ შხირას მუსხირენ დღას იგჷნძორებუდჷ.
სამარგალოს, სუჯუნაშ ოხიდას, 23 პირელიშ სერს ოტახაფუანდეს საპატიო კოჩის, ნამუთ მაჟირა ოჭმარეს წიმინდანიშ „ნებას“ ოჩინებაფუანდჷ ოხიდაწკჷმა აკოშაყარელ მორწუმეეფს.
This article uses material from the Wikipedia მარგალური (Margaluri) article გერგობა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.