ავტოფელაცია — ორალურ სიმულაციაშ აქტი, დორხველ პენისიშ მასტურბაციაშ ართ-ართი ფორმა.
თინა ფიზიკურო შელებუანი რე ქომოლკოჩიშო, ნამუთ დასაბაღო ელასტიური რე დო უღჷ დასაბაღჷ ზჷმაშ პენისი, ვარ-და ჟირხოლო ართო თიშო, ნამჷ-და ქეშილებუას ავტოფელაციან. ავტოფელაცია პოპულარული რე პორნოგრაფიას. ხეთ მასტურბაციაწკჷმა ართო, ავტოფელაციაშ ქიმინუას გეხვილაფირი რე კაპიშ დიხაშ ჰალაიეფი (Xerus inauris).
მუჭოთ ეგვიპტოლოგი დეივიდ ლორტონი ეშანჷნსჷნ, ეგვიპტეს, ანდა უჯვეშაშ ტექსტის ჩიება მეურს ავტოფელაციაშე, მუჭოთ ართ-ართ რელიგიურ კომპონენტიშე; მუჭოთ ღორონთეფიშ ომაფეს, თეშინეშეს რელიგიურ რიტუალეფიშ გემაჸვენჯეფს შქას. ლორტონიშ მეჯინათ, პაპირუსის 28, 20–24 რე ართი ლერსი, ნამუთ მოჸუნს ამბეს მუჭო გარჩქინჷ ბჟაშ ღორონთი რაქ ღორონთი შუ დო ოსურღორონთი ტეფნუტი — რაქ ავტოფელაციაშ უკული დორხველი სპერმა დიხას ქიგნალერჭყვუ. უჯვეშაშ ეგვიპტურ ტექსტეფს თე აქტის ჯინჯიერო ორთჷ ღორონთი ატუმი; ტექსტეფიშ უმენტაშობა ეთმოჭარჷნს ხვალე სპერმაშ დობუნას ვარ-და მასტურბაციას, მარა ჟირხოლოს ართო ვარი.
მიშელ ფუკო ჯვეშბერძენი არტემიდორიშ ნახანდი Oneirocritica-ს აიდენტიფიცირენს მუჭოთ აქტის, მუჟამსჷთ „[ართიშ] ოსქესე ორგანო მუთმოხვადჷ ართიშ [დორხველ] პიჯის“, მუჭოთ დორხველ დუდწკჷმა დორსხუაფილ აქტიშ ართ-ართი სახე სუმშე. არტემიდორიშ არზით, თე „ვაორთაშობური“ აქტი მიოწურუანს ართიშ ბაღანაშ ღურას, ართიშ ჸოროფილიშ დინაფას ვარ-და გოღილატირალას.
ძალამ მორჩილ მუდანობაშ ქომოლკოჩის უღჷ დასაბაღჷ ელასტიურობა დო თი ზჷმაშ პენისი, ნამჷ-და ავტოფელაცია ქეშილებუასჷნ. მორო, ნამთინეშო თენა შელებუანი რე ფიზიკური ვარჯიშუეფიშ უკული, სამანგათ გიმნასტიკაშ, აკრობატიკაშ დო იოგაშ გეშა. ამერიკალ ბიოლოგეფიშ — კარლ ბარტლიშ დო ალფრედ კინსიშ მუნაჩემეფით, ქომოლკოჩეფიშ ხვალე 1%-შე მერკეს შეულებჷ მუში პენისწკჷმა წჷმოძინელი ორალური კონტაქტი, ანუ ვითოშობათ ქომოლკათა შქას ხვალე 2-3-ს შეულებჷ აკეთას რსული ავტოფელაცია. ულირბორჯის ავტოფელაცია ბიჰევიორისტულ მენცარობაშით მირჩქინუაფუდჷ უმოსო პრობლემათ, ვინდარო სექსუალურ პრაქტიკშ ართ-ართი ფორმათ.
ავტოფელაცია წუმორჩქინელი რე ობაღებელო მორჩილი მუდანობაშ პორნოგრაფიულ ფილმეფს. თიშ ქიმინუაშ ანჯა აპალუ კანკალე არტისტის, თინეფ შქას რე რონ ჯერემი 1970-იან წანეფიშ ფილმეფს. შხვა არტისტეფ შქას რენა სკოტ ო'ჰარა, კოლ იანგბლუდი, სტივ ჰოლმზი დო რიკი მარტინესი. ინგლისარი ჭარუშ, ბრაიან ოლდისიშ 1970 წანას გჷშაშქუმალირ გვერდო ავტობიოგრაფიულ რომანს „ხეეკინელი ბოში“, ეჭარილი რე ბრიტანული სკოლა-ინტერნატიშ მოგურაფე ბოშეფიშ ბუნურ მასტურბაცია. ართ ბოში, ნამუსჷთ გიშაკერზაფილო დიდი პენისი უღჷნ, შეულებჷ მინეტი მუში დუდშა იღოლუასჷნ.
This article uses material from the Wikipedia მარგალური (Margaluri) article ავტოფელაცია, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.