Loo ntetho ithatyathelwe kuba ebesithi umntu akubambisa ihobe ngomgibe nokuba kungezibatha, athi ngokungxama, kanti kanti ulibambe ngesisila, aze athi akulikhulula kanti liyakuthi ngokubhabha sisuke sixhwitheke, liphuluke, libaleke ashiyeke edanile.
sekusithiwa umntu ngoku othe waya kucela into kwaba bantu basebenza ezidolophini, aze athenjiswe ukuba uza kunikwa into, kuthiwe makeme endaweni ethile alinde lo gama asasebenzayo omnye, wobuye eze kumbona, aze kanti loo mntu esitsho nje uyakuphuma ngomnyango (Kwezi zindlu ziminyango mininzi zasemlungwini)emke amshiye, abe yena umceli lowo emi kuloo ndawo elindile. athi ngokubona ukuba kuyahlwa uwabo engafiki, ade askuke emke ngokudinwa, athi xa loo nto ayixela kwabanye, "UNantsi uthe wandithembisa wathi mandilindele ekuthini, ukanti esitsho nje, undibambisa isisila sehobe. Lifana neli lithi, 'undibambise iliwa.'
This article uses material from the Wikipedia isiXhosa article Ukubamb'isisila sehobe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki isiXhosa (DUHOCTRUNGQUOC.VN) is an independent company and has no affiliation with Wiki Foundation.