Eli qhalo lizekelwe ekubeni usinga ebekuthungwa ngalo iingubo zenkomo, imigqwetho, izikhaka, ibilolwenkomo: Pambi koko kwakuthungwa ngameva, kuba zaye zingekabikho izilanda, ziqale ukuba kho kwakufuthwa izinyikithi, zaze zanda ngakumbi khona kwakufika abelungu neengcingongcingo zabo.
Ke ubusithi umsonto ukuba umanzi, awomile wanquma encamini, usuke uman'ukufingana. Iimvaba nezibozi bezithungwa ngemitya ye[[intlonze|ntlonze, kugqojozwe amaqondo apho lo mtya uyakuthubungela khona. Bekuthi ukuba umtya lowo ubunyetenyete, ufaniselana intunja yengqanda iwulungele, usuke uthi wakufakwa uman'ufingana, ungavumi ukuphumela kakuhle entunjeni, kuthiwe ke, "ngumsonto onyikinyiki." Namhla sekutshiwo nakumntu ofihle intloko entweni waxelisa esi silwana kuthiwa yinyekevu. Kuthiwe usuke wangumsilasila, ingqukunyembe, umsont'onyikinyiki. Umntu onjalo uyandwetyelwa kunene kuba sukuba enguNxazonke, engafuni kwaziwa elona cala alilo. Umntu onjalo kusuke kuthiwe, sithe sakuthetha naye ngalo mcimbi, wasuka "wangumsont'onyikinyiki"
This article uses material from the Wikipedia isiXhosa article Ngumsont'onyikinyiki, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki isiXhosa (DUHOCTRUNGQUOC.VN) is an independent company and has no affiliation with Wiki Foundation.