Ukunxitywa kweemaski zobuso ngexesha lobhubhane we-coronavirus ka-2019 ukuya ku-2020 kuye kwafumana iingcebiso ezahlukeneyo kwii-arhente zezempilo zoluntu noorhulumente.
Esi sihloko sibe yinto ekuxoxwa ngayo, ii-arhente zezempilo zoluntu kunye noorhulumente bengavumelani nomgaqo wehlabathi wokunxitywa kweemaski zobuso.
Ezinye zezizathu ezichazwe ngamagosa ezempilo aseTshayina ngokunxiba iimaski nangabantu abaphilayo zezi zilandelayo:
Ugqirha weentsholongwane kwiDyunivesithi yaseLeeds obizwa ngokuba nguStephen Griffin uthi 'Ukunxiba imaski kungalinciphisa ithuba [lokuba] abantu bachukumise ubuso babo, kuba ngumthombo wosulelo ngaphandle kococeko lwezandla olufanelekileyo.''
Imaski yobuso yelaphu yimaski eyenziwe ngamalaphu aqhelekileyo enxitywa ngaphezulu komlomo kunye nempumlo, uninzi lwenziwe ngomqhaphu. Ngokungafaniyo neemaski zoogqirha zokuhlinza kunye neziphefumlisi, zona azikho phantsi kwemiqathango. Okwangoku kukho uphando oluncinci okanye isikhokelo ekusetyenzisweni kwazo njengenyathelo lokukhusela ekusasazeni isifo okanye ekungcoleni komoya.
Imaski kagqirha yokuhlinza sisixhobo esinxibeka khululekileyo, esilahlwayo esithi sidale umqobo phakathi komlomo kunye nempumlo yalowo uyinxibayo kunye nezinto ezinokubangela ukungcoliseka kwindawo ezikuyo. Imaski kagqirha yokuhlinza yenzelwe ukunceda ukuthintela amathontsi amakhulu amachaphaza, ukutshiza, okanye ukutshiza okukhulu okungaqulatha iintsholongwane kunye neebaktheriya ukuba inxitywe ngokufanelekileyo, ukuthintela ezi zinto ukuba zingafiki emlonyeni nakwimpumlo yalowo uyinxibileyo. Imaski kagqirha yokuhlinza inokuthi incede ekunciphiseni ukubonakala kwamathe alowo uyinxibileyo kunye nokuphefumla komoya kwabanye. Imaski kagqirha yokuhlinza ayenzelwanga ukuhluza okanye ukuvimba amathontsana amancinci emoyeni anokusasazeka kukukhohlela, ukuthimla, okanye iinkqubo ezithile zonyango. Imaski kagqirha yokuhlinza ayiboneleli ngokhuseleko olupheleleyo kwiintsholongwane kunye nezinye izinto ezingcolisayo ngenxa yokunxibeka okuthe tye phakathi komphezulu wemaski yobuso kunye nobuso. Imaski kagqirha yokuhlinza yenziwe ngelaphu elingelilo elenziwe ngokusebenzisa inkqubo yokuntyibilikisa.
Imaski engu-N95 lilatshana lobuso elisisihluzi samasuntswana okuphefumla esidibana ne-N95 ongumlinganiselo wokucoca umoya wase Melika kwiZiko elijongene noKhuseleko kunye neMpilo yaBasebenzi. Ihluza ubuncinci beepesenti ezingama-95 amasuntswana omoya. Ingumzekelo kamatshini osisixhobo sokuphefumla, osinika ukhuselo kumasuntswana, kodwa hayi iigesi okanye umphunga. Njengemaski kagqirha yokuhlinza, imaski engu-N95 yenziwa ngefabriki engatyibilikiyo ye-polypropylene. Imaski yobuso ehambelanayo esetyenziswa kwi-European Union yi-FFP2 respirator.
Imibutho yezempilo iye yacebisa ukuba abantu bagqume umlomo kunye nempumlo ngengqiniba egobileyo okanye nge-tissue xa bekhohlela okanye bethimla, balahle i-tissue kwangoko.
Imaski kagqirha yokuhlinza iyacetyiswa kwabo banokuba bosulelekile, njengoko ukunxiba imaski kunokunciphisa umyinge kunye nokuhamba umgama kwamachaphaza aphuma emlonyeni athi asasazeke xa uthetha, uthimla, naxa ukhohlela.
Ingcebiso yoMbutho wezeMpilo weHlabathi kuluntu phantsi kwemeko ye-COVID-19 ixhasa ukusetyenziswa kweemaski kuphela phantsi kwale miqathango ilandelayo:
This article uses material from the Wikipedia isiXhosa article Iimaski zobuso ngexesha lobhubhane we-coronavirus ka-2019 ukuya ku-2020, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki isiXhosa (DUHOCTRUNGQUOC.VN) is an independent company and has no affiliation with Wiki Foundation.