Amathumbu Esikhwenene
Eli qhalo lithetha into othenjiswa ngayo ube ungasokuze uyifumane, uyirhalele uncame.
Kudala bekusithiwa xa kuthunywa umntwana, Hamba mntwanam, ndiza kukupha amathumbu esikhwenene. Isikhwenene ibiyintaka enqabe kunene, ingenakufumaneka lula, kananjalo ibingenakubulawa lula, kuba ibiyintaka ebhabhela phezulu kakhulu, kubenzima kakhulu nokuyichana naxa sele igityiselwa ngentonga.Ngoko ke ibinqwenelwa ngabantu bonke le ntaka, ange umntu angakhe angcamle inyama yayo, nokuba ngamathumbu ayo. Nabantwana imbala bebehlala bethenjiswa ngawo kuba bebewanqwenela. Babesithi bakuthunywa batsibe kuba benethemba lokokuba bazakunikwa loo nto imnandi bathenjiswe ngayo. Kuhambe-kwahamba amathumbu esikhwenene abhekisa kwizimuncu-muncu zakwamlungu.
This article uses material from the Wikipedia isiXhosa article Amathumbu esikhwenene, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki isiXhosa (DUHOCTRUNGQUOC.VN) is an independent company and has no affiliation with Wiki Foundation.