平安時代(假名:ヘイアンジダイ)是日本历史当中个一只阶段。具体是从延暦13年(794年)桓武天皇迁都平安京(乃朝京都市)开始,一径到文治元年(1185年)平清盛建立个武家威权完结结束。昰段辰光里向,日本个首都从奈良迁到京都,形成越加有得自家特点个平安文化。外加,天皇个权威受到公卿个挑战,藤原氏在平安时代中期长期把持朝政;到后期,天皇通过退位成为太上皇搭法皇摆脱控制,形成院政时代。双方个斗争让本身地位卑下个武士蹿升,成为了好搭天皇对抗个势力。到平安时代阿末阶段,武士抢班夺权,建立自家主导个体系,也让日本从古世进入到中世。
平安时代是日本自家文化定型个关键辰光。老早照搬唐帝国个做法,因为唐帝国自身衰落搭日本自家个发展慢慢减缓,到9世纪在末阶段,停止派遣遣唐使。同时,最澄、空海之类大师个出现搭平假名咾片假名个创造,也让日本本身个文化得到发展,本土个佛教得到传播。平安时代是典型个贵族时代,掌握朝廷权力个公卿拥有个田产行行情情,弗事劳作实物,整日生活在悠闲里向。物语系列个小说书搭驱魔为职业个阴阳师统在昰段辰光达到极盛。
This article uses material from the Wikipedia 吴语 article 平安时代, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另外声明,内容用CC BY-SA 4.0授权。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 吴语 (DUHOCTRUNGQUOC.VN) is an independent company and has no affiliation with Wiki Foundation.