臺鐵408號出軌事故

经过

2021年4月2号早浪向9点28分，一辆树林车站开往臺东车站个408次太鲁阁号列车（编组：TEMU1013+1014），由于事发地和仁─崇德间分别有新清水隧道与新和仁隧道（西正线）、清水隧道与和仁隧道（出事路段；东正线）侪是单线，搿只列车高速通过和仁隧道后，就迎头撞上一台从上面边坡滑落到轨道搿工程车，搿辆工程车是李义祥负责个义祥工程个工程车，伊个车号是“775-TX”。虽然驾驶已刹车老吃力，依然导致还勒列车前进方向个第1节车厢（车头，第8车）出轨，出轨后勒高速行驶个列车再趟撞进清水隧道导致车厢扭曲变形，挨下来第2至4节车厢（编号：7-5车）也跟牢冲入清水隧道出轨变形，车厢里头通道中断。

原因

当时臺铁大清水路段51K有交通部外包个隧道工程，施工勒海，一辆工程车停勒铁路旁边个滑坡埃面，好像呒没拉好手刹车，导致车辆滑落至轨道，太鲁阁列车出隧道后来弗及刹车，撞上了伊。

后续

中华民国卫生福利部中央健康保险署宣布，呒没健保卡、呒没办法畀铜钿个事故伤患，好破例到健保特约医院就医。

追责

台湾花莲地方检察署勒4月3日夜里向拿义祥工业社负责人声押。

赔偿

还呒没。

 

搿趟事故编组1013+1014是2016年增购个2列TEMU1000型首列，第8车至第3车半截总共6截半车厢困勒隧道，其中第8车至第5车严重变形坏脱。

  中華民國

总统蔡英文已经让各单位全力投入救援任务外加严格进行事故调查，一定要拿事故原因搞清爽，而且呼吁大众覅过度揣测。

搿桩事故受到交关国际媒体快讯报导，当中路透社也叫事故是臺铁40年来顶严重个事故。

中央流行疫情指挥中心记者会当朝暂停举办一次。

行政院从4月3日开始，降半旗三天，对死伤者表示哀悼。

  中华人民共和国

中华人民共和国国务院臺湾事务办公室搭海峡两岸关系协会、中华全国台湾同胞联谊会对事故受难人搭伊拉家属表示慰问。

  日本

日本首相菅义伟、前日本首相安倍晋三、日本参议员莲舫、防卫大臣岸信夫、日本臺湾交流协会对事故受难人搭伊拉家属表示慰问。