电子计算机: 現代電腦的設計系統

计算机个用场极大。可以讲电脑好处理任何信息。根据邱奇-图灵假设，即使只有最小能力个电脑，只讲记忆体搭时间有够哉，都好完成下至电子手帳（PDA）上至超级电脑许电脑个工作。怪是讲同样个电脑设计非单用来计算工资单，甚至好用来控制無人太空穿梭机。屋裏电脑比早时个设计弗管速度搭数据处理量方面都要高无数。英特尔（Intel）名誉董事长摩尔经过长期观察之后发现个摩尔定律认为每间18個月集成电路（IC）上向好容纳个电晶体数量便会增加一倍，也暗示电脑个性能都会翻一倍。

 

电脑个种类有无数种，最起头个电脑有整间戏场能大。能界也还有馨大个电脑设备，专门用来科学计算搭大公司（比方银行）个事务处理，箇种超级电脑瑲讲大型机（Mainframe）；私人用个是小型个电脑，讲私人电脑（Personal Computer, PC）；便带式好动个电脑便讲手提电脑要勿笔记本电脑（Laptop Computer）。私人电脑搭手提电脑是到处望得着个信息处理搭通讯工具。不过，能界用得最多个电脑其实是嵌入式电脑，一种用来控制各种设备个电脑，用来控制譬如飞机、数码相机（Digital Camera, DC）许。

• IBM Redbooks for Computing